Video
Read full review
2022-07-23
3836 views
身為 #鏡粉，有機會梗係想去捧吓偶像，不過今次真係對餐廳嘅安排，有些少失望👉🏻👈🏻 話說琴日係我朋友生日，一大個藉口安排食餐好嘅去慶祝🥳 我預早幾個星期打電話去 Kageno Tori 影の鳥 book枱，當時接電話個職員同我講佢哋啲booking都幾full，問我問唔介意坐吧枱位置，並且要求我先交$300 訂金，同埋用膳時間90分鐘，每位$500 min charge(加一另計)。講明係嚟朝聖，佢講乜我都一定say Yes 㗎啦🤪 點知佢哋個職員上星期打俾我，話系統出現錯誤，overbooked… 要求我取消訂位😵💫 經一輪理論之後，好彩最後個職員知道我呢晚係同朋友慶祝生日，最後先安排到位置俾我哋咋🥹我哋比booking時間早咗15分鐘到，不過因為之前客人未埋單，我哋唯有企喺門外面等。搭正八點終於到我哋，服務員帶到我哋去吧枱，位置剛好見到師傅燒烤嘅位置，其實我都幾鍾意望住人煮嘢食嘅景觀㗎🤪 為免眼闊肚窄浪費食物，所以每輪我哋都係keep住叫四款食物，食到差唔多又再叫🤤 不過可能係限時嘅關係，服務員中途都出咗兩次單俾我哋，提醒我哋未食夠指定金額… 一路食仲要一邊計數，真係要有啲壓力😅
我哋比booking時間早咗15分鐘到，不過因為之前客人未埋單，我哋唯有企喺門外面等。搭正八點終於到我哋，服務員帶到我哋去吧枱，位置剛好見到師傅燒烤嘅位置，其實我都幾鍾意望住人煮嘢食嘅景觀㗎🤪 為免眼闊肚窄浪費食物，所以每輪我哋都係keep住叫四款食物，食到差唔多又再叫🤤 不過可能係限時嘅關係，服務員中途都出咗兩次單俾我哋，提醒我哋未食夠指定金額… 一路食仲要一邊計數，真係要有啲壓力😅
講返啲食物，大致上都OK嘅，不過我都係鍾意傳統炭燒風味嘅串燒多啲☺️ 其實我覺得個 #燒生蠔 🦪 都唔錯㗎，食落去有種海水嘅鮮味🤤 不過聽到師傅同隔離嗰台熟客講，呢批 #生蠔 🦪 唔多靚，揀咗好耐先揀到啲出嚟…吓😅 #燒帆立貝 同 #燒安格斯蘆筍 都有啲overcooked，咬有啲韌😅 不過我要讚吓佢哋嘅 #日本番薯 真係做得好好，軟綿綿嘅口感，表層仲做到焦糖嘅感覺，外脆內軟，搞到我哋忍唔住要再encore🫶🏻 另外佢哋嘅 #牛油軟殼蟹卷 都做得好出色，薄薄一層牛油果包住 #飯糰 同 #軟殼蟹，口感好豐富☺️ #豚肉豆苗卷串 火候控制得好好，#豚肉 配埋 #豆苗 一齊入口，減少油膩感🤤
埋單嘅時候，服務員仲送咗兩舊 #影の鳥 特製嘅花形🌸番梘俾我哋做留念，好有心思呀🫶🏻
Post
