新齋橋 (Closed)

同事話新電訊大廈嗰間日本嘢幾抵食，今晚收工就過去試下，間舖好大，有一邊好似係食燒肉，中間有吧檯類似食緊omakase，我哋食定食就坐另一邊，但間舖抽風麻麻，我哋坐嗰邊都聞到燒肉油煙味。同同事每人叫咗一個餐，我叫咗個炸豬扒定食，佢叫咗個六格便當，我嗰份炸豬扒ok唔錯，塊豬扒新鮮炸起熱辣辣咬落去外脆內軟，雖然都知道係急凍豬扒，但肉質唔會又韌又鞋。但同事嗰個便當就好一般，食完都唔係好知食咗乜嘢，下次都係叫返正常定食便當就算。