新齋橋 (Closed)

🥩極上牛小排+五花豚肉+雞腿肉+送牛舌芯｜💰$148🍖牛板腱肉 ｜💰$98秋風起最啱食燒肉🍂係觀塘發現一間新開冇耐嘅高質抵食一人燒肉😍！餐廳闊落光猛+企理，坐得非常舒服🤭店內分咗2大區域：燒肉 & 日本料理，一人燒肉套餐價錢親民，$78至$148不等，醬汁、調味料都好齊全👍🏻試咗🥩極上牛小排+五花豚肉+雞腿肉，送50g牛舌芯好很抵🤩套餐包埋白飯、味噌湯、野菜沙律，每款肉類都好新鮮，而且厚身好有誠意，尤其牛小排牛肉鮮味十足，食到停唔到口🤤🍖牛板腱肉都好出色！中間會有條幼筋位，食落好有咬口，而且肉質唔柴，推薦大家試～🥳

同事話新電訊大廈嗰間日本嘢幾抵食，今晚收工就過去試下，間舖好大，有一邊好似係食燒肉，中間有吧檯類似食緊omakase，我哋食定食就坐另一邊，但間舖抽風麻麻，我哋坐嗰邊都聞到燒肉油煙味。同同事每人叫咗一個餐，我叫咗個炸豬扒定食，佢叫咗個六格便當，我嗰份炸豬扒ok唔錯，塊豬扒新鮮炸起熱辣辣咬落去外脆內軟，雖然都知道係急凍豬扒，但肉質唔會又韌又鞋。但同事嗰個便當就好一般，食完都唔係好知食咗乜嘢，下次都係叫返正常定食便當就算。

今日上到去，環境非常光猛，門口亦有鐵板燒，好正😋由於今日我哋唔想食得咁heavy😎所以就叫咗定食😝今日我哋叫咗呢啲:- 日本長野日本黑豚定食- 新齋橋六宮盛首先嚟嘅係黑豚定食，黑豚表面非常靚仔，炸得非常脆，食落去唔會太厚粉👍蒸蛋燒滑，係少有唔多其他料嘅蒸蛋，係1個正嘅純蒸蛋 （有1塊仔日本魚蛋都👌），推介😋而之後嘅六宮盛，第1個吸引我去食嘅係蒜頭，食落去真係好重味，但個醬料又勁好味，所以我係食曬🤫而魚生丼亦非常新鮮，魚生款式唔錯🥰由於我唔食鰻魚嘅關係，我俾咗人食😆佢話熟食唔錯👍整體全部嘢都好好食😋總結：地方夠大，可以叫曬一大班fd約會👍食物質素高，擺盤亦唔錯，魚生類新鮮，如果想食曬魚生同熟食，就唔好錯過喇😝

朋友帶左我去呢間日式料理，性價比極高，見佢早餐同下午茶都只係$29起，超級抵食😋下次要試吓先🤤我哋今次一齊去食晚餐，壽司🍣同吉列豬扒定食，都幾正🥰餐廳位置屬於樓上店，環境空間感好足夠，有唔同用餐區域，而且木系設計，坐落幾舒服😌上壽司的盛合 （10貫）10貫壽司🍣非常新鮮，擺盤精緻，令人流口水🤤而且套餐仲包沙律、茶碗蒸同味噌湯😋茶碗蒸蛋非常嫩滑👍吉列豬扒定食吉列豬扒勁大塊，炸到金黃香脆，入口非常鬆脆可口，餸飯一流😋😋定食都包沙律、茶碗蒸同味噌湯😋非常滿足📍新齋橋 (觀塘)觀塘駿業街58號電訊數碼大樓1樓#新齋橋 #觀塘美食 #人氣餐廳 #觀塘餐廳 #日式料理 #美食推介 #燒肉推介 #kwuntung #foodie

今日放假想食日本野思鄉，約左個朋友食lunch,我叫左個六格新齋橋六宫盛Sunsaibadhi （6-grids）季節刺身三種+日本漬物+雜錦魚生飯+香蔥吞拿魚蓉+迷你鰻魚飯 +季節沙律）跟茶碗蒸同麵豉湯，刺身同丼飯都好味，但吞拿魚蓉個口感impressed！又綿又鮮味！個蒜頭頭漬味道都唔錯個朋友叫左日本長野縣吉列黑豚 ，黎到既時候都幾熱辣辣，似即叫自炸，因為都等一陣～d豬扒都好厚身，食起上黎都仲有肉汁！nice！滿足

平時去新齋橋都係食開一人日式燒肉，今次去試下佢既和食，每個套餐都配有麵豉湯, 沙律同蒸蛋，配菜好豐富。以呢個價錢呢個質素同份量，值得下次再一試。迷你角切魚生丼及加洲卷 – 呢個魚生飯一啲都唔迷你，仲有好多料，三文魚食得出係用左魚腩，好新鮮口感滑嫩清甜，搭配醬油,芥末同子薑，味道恰到好處，套餐仲有我至愛既加洲卷。蒲燒鰻魚飯 - 蒲燒鰻魚飯的鰻魚烤得恰到好處，外焦內嫩，醬汁香甜，讓人一口接一口。飯粒吸收了鰻魚的鮮美，令每一口都充滿滋味。

去觀塘做Facial時，發現《新齋橋》有1人日式燒肉。店內分開2大區域，分別燒肉及日本料理［包括壽司、刺身、便當、烏冬等，應有盡有］。既然係被1人燒肉吸引而來，當然不可不試！店內提供$78-$148不等的燒肉套餐，全日同價，價錢好親民！因免費送50g牛舌芯😍，今次揀左「極上牛小排+五花豚肉+雞腿肉（各50g)」($148)；而所有套餐都包白飯、味噌湯及野菜沙律，大胃皇都一定飽！套餐所有肉類都好新鮮，油脂分布均勻，份量又多，亦冇諗過$148可食倒有質量的牛小排及牛舌芯。牛小排&牛舌燒烤幾十秒就可享用，食時微微脆口，同時每一口都感受到肉汁牛味滿滿；最驚喜是牛舌芯，即使燒到有D過熟，肉汁依舊，yummy！雞腿肉及五花豚肉都很不錯，只要控制好火候，外焦內嫩味鮮，配白飯一流👍🏻。店內亦有3款燒汁（原味、蒜味、香辣）任君選擇，味濃的朋友一定要試試蒜味燒汁！這個價錢的燒肉套餐，絕對是物超所值，大家走過路過不要錯過！

前排ot太多想獎勵自己，放工自己嚟咗新齋橋食燒肉。今日同老婆雙雙ot, 決定一齊獎勵自己，又好彩趕得切收舖前嚟。餐廳好多向牆一人座位，又有面對面嘅枱，無論獨樂樂定眾樂樂都ok。而待應態度良好，即使臨近收舖依然好好笑容。 ✦ 鐵板燒漢堡扒 HKD138 (推廣價HKD98) ✦ 漢堡扒三粒大大粒，非常juicy。default五成熟，隨個人喜好選擇另燒多幾成熟。隨餐另附溫泉蛋、沙律、白飯，同廚師親自調配嘅漢堡扒汁及黑椒汁。個人偏好漢堡扒汁，甜甜香香，直頭拎埋嚟撈晒成碗飯。 ✦ 極上牛小扒、五花豚肉、雞腿肉(各50g) HKD148 ✦老婆貪心鍾意咩都試，嗌呢個就啱佢。優惠送多50g牛舌，香口又有咬口，反而係精髓。 雖然Location唔太就腳，但正正係咁舒服又唔使同人逼。啱晒人少少嚟聚個餐(ﾟ∀ﾟ)

第一次食呢間餐廳🍴一直以為佢哋係食燒肉店，原來係集燒肉同日式料理，仲有omakase,即刻心心眼😍餐廳環境大，而且有分燒肉及日式料理區，上到去決定燒肉就會安排燒烤桌，減少油煙味☺️當日同朋友一人點左一款日式料理，份量好足好飽👍而且價錢合理又便宜☺️新齋橋六宮盛呢個套餐擺盤好吸引，令人唔捨得食🤣最重要係非常抵食，因為份量款式都好多元化，包括季節刺身3種、日本漬物、雜錦魚生丼、香葱吞拿魚蓉、迷你鰻魚丼、季節沙律、茶碗蒸及味噌湯😍蝦天婦羅月見冷烏冬呢款份量都唔錯👍有蝦天婦羅🍤及月見冷烏冬，附茶碗蒸、味噌湯和沙律🥗蝦天婦羅口感勁正，外層非常鬆脆；烏冬口感Q彈軟嫩👍📍 新齋橋 (觀塘)觀塘駿業街58號電訊數碼大樓1樓#日式燒肉 #日式料理 #新齋橋 #美食推介 #觀塘美食 #駿業街美食 #性價比高 #japensesfood #yuumy #foodie #kwuntung

最近我去咗新齋橋一間日本料理餐廳，試咗佢哋的「新齋橋至弁當」，真係好好味！這個弁當包含咗好多款式，真係十分豐富。首先，裡面有三種季節刺身，質素非常新鮮，魚肉滑嫩，口感極佳。再加上日本植物雜錦，色彩鮮艷，食落去清新又有層次感，令我覺得好開心。另外，香草吞拿魚蓉味道獨特，香味四溢，搭配其他食材非常合適。迷你鰻魚丼就更加出色，鰻魚的甜味和醬汁完美結合，每一口都令人陶醉。弁當裡面仲有季節沙律，清脆爽口，為整個餐點增添一份清新感。茶碗蒸滑得來又香，味道細膩，無論係口感定味道都好出色。而麵豉湯則溫暖可口，十分適合搭配弁當。另外，我額外點咗個鰻魚飯，這道菜更係令我驚喜，鰻魚的鮮味和米飯的香氣完全融合，食落去好滿足。這間新齋橋的日本料理餐廳無論係食材新鮮度、味道同埋擺盤都做得相當好，真係值得再嚟！如果你鍾意日本料理，呢個地方一定要試下！

日本回來, 見個名幾有親切感！蒜頭漬幾好食喎！吾知是否買現成定自己醃？魚生整體都幾新鮮😋吞拿魚魚蓉都ok, 餅底可以細片啲...我的鰻魚變咗魷魚？（我知架🤨 但完全沒有解釋, 這個位扣晒分！）在日本已食過大大的原條, 2件仔, 費事煩！見身旁的姐姐仔, 漏咗單, 等到嬲嬲豬。追幾次單, 發晒脾氣！

又去「新齋橋」食高質日本菜😍 位置好方便近觀塘APM，環境又大又靚，坐得舒服，仲有包廂，一大班人都啱去～今次試咗2款定食，好味飽肚性價比高新齋橋六宮盛🍣打卡一流！好豪華嘅日式綜合料理😍😍😍 包括新鮮刺身（蝦、三文魚）、日式醃菜（蒜頭）、魚生丼、鰻魚飯、沙律嘅六宮格🤩 色香味俱全，魚生好新鮮肥美😋 仲配有麵豉湯同茶碗蒸，非常滿足🥰日本長野縣吉列黑豚金黃酥脆，賣相超吸引！吉列日式炸豬排外酥里嫩，配上濃郁香甜的日式豬扒醬，超惹味😍 仲附有白飯、椰菜絲等等，豚肉以其極佳的肉質和豐富的炸豬排切開肉汁四溢，每一口都滑嫩可口🤤🤤🤤

蒲燒鰻魚飯鰻魚外皮微焦，鮮嫩多汁，加埋特製的醬汁，甜中帶鹹，肉質都唔差。日本長野縣吉列黑豚肉質細膩，外皮都酥脆，但皮有點厚，不過不失。蝦天婦羅月見冷烏冬彈牙的烏冬麵架上蝦天婦羅，配上生蛋黃和清爽的醬汁，充滿層次感，烏冬的滑順十足。人均$100左右，性價比幾高，座位寬闊，環境舒適，可以一試。#日式餐廳 #日式料理 #天婦羅 #吉列豬扒 #鰻丼 #鰻魚飯 #觀塘美食 #觀塘 #性價比高 #foodie #foodiehk

Lunch hour 用QR Code 點咗食物等20分鐘未到，問職員先再去櫃枱彈張單出來幫手追廚房。我再問職員佢話部機間歇性唔出單。大佬你要搞lunch hour 坐咁多人，知有問題就去整啦，幾多人lunch hour 得一個鐘左右架。離晒譜。餓到癲啊

一早湊完阿女返學，唔夠三個鐘就要返去接放學，記得之前嚟過呢間心齋橋度食燒肉，地方好大，咁OpenRice睇竟然有做早餐，行過去15分鐘諗住嘆個靚早餐慢慢休息吓價錢同正常查餐廳一樣，但係環境就完全唔同，日系風唔再講，人數唔多，可以慢慢坐低睇吓食乜嘢我就叫咗個日式牛肉烏冬配凍檸茶，烏冬嘅質感好好食，如果份量多啲嘅話就啱晒我呢個大胃王，牛肉都有牛味，湯底唔會太鹹，仲有兩隻糖心蛋，欣賞欣賞，慢慢嘆埋杯凍檸茶坐低睇吓劇之後接阿女放學係一個好好嘅選擇