香湘辣妹 (Closed)

紅磡既四川野真係好多，好多小店都係價錢相宜而味道不錯，所以經常都吸引好多相信係內地既同鄉食，今日食既呢間都係一樣，周遭有唔少講流利北方普通話既內地人，令人感覺食緊地道特色菜。<串燒蝦 >非常惹味！每隻蝦上都有爆香左既辣椒同蔥, 蝦肉爽口而味道亦滲到蝦中，呢個時候叫番枝啤酒就一流！辣子雞 $108另一惹味之選！辣子雞好香口，每一粒都係剛好一口既size, 無論下飯定配酒都周樣適合。手抓羊排 $148羊排份量不少，惹味程度未及串燒蝦。大部分羊排都係骨連肉既部分，食起來較嫩滑。羊既羶味係有既，但未到好濃烈，所以對於唔太喜歡羊羶味既朋友都可以一試。