香湘辣妹 (Closed)

之前經常嚟黃埔食川菜，原來都有一間食湘菜，所以搵日下午嚟試下。餐廳係快餐店格局，當時餐廳都有好多枱客，但唔知點解半間都無開燈，好環保...我哋揀近門口窗邊位置，所以無開燈都好光猛。等咗一陣先有店員出嚟落單，我估餐廳係無咩人手，好在嗰日唔趕時間可以慢慢食。我哋點咗一個午餐小炒牛肉木桶飯，辣子雞同埋孜然牛肉。孜然牛肉係用鐵板上，一上枱就好香孜然味，呢陣味聞落好似喺深圳食到嘅味道。牛肉表面好多孜然粉，食落好香孜然味，少少辣，屬重口味之選，好適合送飯，而且牛肉份量都好多。辣子雞同平時食嘅唔同，平時係辣椒多過肉，搵雞肉食好似尋寶咁。呢間嘅辣子雞肉唔會太碎，食落好夠麻辣除咗辣椒仲有落咗蒜心粒同花生去炒，除咗令賣相更靚，蒜心粒爽脆食落辣辣地都好好味。午市嘅木桶飯每日有幾款揀，我地點咗一個小炒牛肉木桶飯。估計係即叫即蒸所以都等得比較耐。牛肉有牛味無鬆肉粉味，味道似屋企食到嘅味道，牛肉無走過油所以就唔算滑，配埋尖椒同唐芹幾好味。份量方面都算多，難怪咁多人嚟買外賣。總括嚟講食物質素唔錯，好似喺深圳食到嘅味道咁。但服務方面有待改善，至少樓面要長期有至少一個人比較好，一係唔好收加一服務費。

中午去到，好暗但又只開小量燈。唔多人堂食，但見幾多外賣，結果唔知係味掛住做外賣單，人手唔夠，結果係堂食無咩人既情況下，點份酸菜魚，等左四五十分鐘先到。味道方面，除左微辣，有酸菜又一D都唔覺有酸味魚肉係滑，可惜除左係有小小辣味外，就無其他味了，仲要係好多骨😅整體而言，試過一次，應該唔會有下次😂

第一次寫評論，食咁多間真係未遇到一間店可以難食到咁。幾年前黎過覺得味道可以，今日難得黎黃埔，就諗住再一試，點知個鋪面已經大不如前，環境衛生極度惡劣，可能為慳錢唔開冷氣唔開燈，檯碗筷又殘又舊又唔乾淨。睇menu，話lunch d 木桶飯打tick個d先有，無咩可以揀，仲要俾姊姊寸嗌得少，唯有再加餸啦，要大辣，上到黎無一樣係辣，可以話無味，d 野食全部唔熱，木桶飯hea到似隔夜餸撈埋；中曬伏，唔明點解仲生存到，寧願食個面好過，又貴又難食，食完一肚氣，懷疑一早轉佐手，大不如前。真心，不如執佐佢好過。依家好驚肚痛。

平日經過呢間餐廳會聞到啲川菜香味，今日星期日我同老公兩個入咗去試。下午茶$38可以揀一至兩個餸，個姐姐仲問我飲唔飲湯，我話好。兩個木桶飯味道，好後悔自己冇影相，因為嗰豆瓣就好似隔夜餸第二日攞返公司整返熱佢嗰個樣。 而我老公個兜係一半熱一半凍嘅，佢話幫我哋攞去蒸返熱🥲🥲🥲 重點係我哋每人都叫咗兩個餸，係全部肉都係勁難食，我嗰個雞一食就知唔係新鮮，仲有個湯由始至終都冇嚟過......... 食完呢一餐我好好奇平日經過呢間餐廳嗰啲客人係唔係對食物完全冇要求？ 因為真係....... 好～～難～～食！ 如果我可以比零分我一定會比零分。 😖

肚子好餓，在網上找到這家，來吃了一個小炒黃牛肉木桶飯，誰知道難吃得要死，什麼廚師來的，服務員態度不怎麼好，跟圖片上差遠了，難怪中午12點這個時間都沒有人進來吃飯，反正我以後是不會再來的

態度好差 堂食無乜人但都要等勁耐 因為顧住做外賣 懷疑廚房得一條友 出品都麻麻 分量好細 價格偏貴 態度好差 堂食無乜人但都要等勁耐 因為顧住做外賣 懷疑廚房得一條友 出品都麻麻 分量好細 價格偏貴

同個湖南朋友出去，問佢有無湖南菜好推介，佢就帶左我地黎呢度。雖然話係話帶我地食湖南菜，但個menu好多川菜，係咪互通既呢啲食譜。食開辣野，見到剁椒魚頭就好想點，咁岩個朋友話呢間既魚頭好好食，就試左。黎到堅大份，個啲剁椒好香，魚身好滑，側邊仲有啲餃子添，不過我就好鍾意條魚，麻麻地啲餃子🤣。呢個辣子雞同平時食既唔太一樣，平時都係勁多辣椒，好少雞。但呢個係勁多雞，好少辣椒。不過個味道都係個回事。因為肉多既關係，所以係比較juicy。唔會乾爭爭。最重要既係，終於唔使再係咁尋寶喇🤐。呢一味就有啲咸，都好送飯。呢個夠辣，唔錯。炒薯仔絲有少少酸酸辣辣，好食🤤Overall肉好食過菜，呢間其實質素幾好。

食物一般，但冷氣及飲品超唔掂，氣水啤酒唔凍，冷氣又唔凍，唔掂。食物一般，但冷氣及飲品超唔掂，氣水啤酒唔凍，冷氣又唔凍，唔掂。食物一般，但冷氣及飲品超唔掂，氣水啤酒唔凍，冷氣又唔凍，唔掂。食物一般，但冷氣及飲品超唔掂，氣水啤酒唔凍，冷氣又唔凍，唔掂。食物一般，但冷氣及飲品超唔掂，氣水啤酒唔凍，冷氣又唔凍，唔掂。

枱櫈好很污糟，啲杯碗碟筷子超重漂水，整杯茶去洗，先係感覺油，然後就係漂水效應，可以想像到係齋用漂水洗，然後唔過水，碗筷都尚且可以自己洗下，但出品用嘅碟，真係鼻哥窿擔摭，避無可避！

d餸好細碟，三碟餸仔食咗我地300幾蚊。d員工一嚟就講普通話，呢度系香港嚟！埋單仲要話不可以用信用卡，連八達通都唔可以用，要現金。絕對blacklist呢間野，永遠唔會再幫襯。

以前住在紅磡時 經常食呢間湘菜 因為紅磡附近沒有太多辣野食 呢個鋪頭午我感覺係正宗湘菜 因為上網看過老細係兩個大陸富二代開的我最喜歡叫佢地呢個小炒肉 睇落好似好普通 但係呢個菜係勁辣 勁過癮 我每次都食到頭皮出汁 好過癮 加多個飯 就岩岩好 佢地個飯係一個砵仔蒸飯 上面有幾粒粟米 感覺幾健康我地仲叫左呢個孜然牛肉 又係辣辣地 不過呢個明顯多好多調味料 而且牛肉乾乾的 侍應推介我地食小龍蝦 魚頭個d 可能文代唔同 我完全冇興趣 我怕魚頭 有寄生蟲 小龍蝦更加不了食完口乾 但一餐半餐可以

聽好多朋友講過呢間木桶飯好食，今次就試下佢啦！呢間野無論係環境/員工/食物 都好有返左大陸既感覺；餐牌上面剔左個啲係當日有既味，單拼雙拼同價（$48）我試左酸辣肚絲拼辣子排骨，份量都唔少！個人比較鐘意酸辣肚絲，唔會太酸，撈飯食好夾！辣子排骨肉質爽口，但份量唔算太多，同埋薄身左啲。唯一挑剔既係辣椒碎太多，唔食得辣既話一定要挑出嚟！係呢方面食落有啲麻煩另外，之前試過冇木桶飯，所以想食既話最好入去之前問一問有冇喇～

雞煲啲雞很少，味道還可以但碟孜然牛肉超唔掂，炒到乾睜睜，黑蚊蚊，好似食緊樹皮定擦膠，問店員係咪炒過籠，佢答我：係咁架喎，人地嗰碟都係咁。我想話你張相差太遠囉，如果煮成咁，個餐牌應該寫「孜然炒牛肉乾」餐牌張相：實物：另一碟炒花甲，好肯定唔係新鮮花甲，因為全碟花甲冇一隻係喺個殼入邊，而且全部殼都唔係左右2邊殼，全部都分開晒的，賣百幾蚊真係好揾笨囉。怪不得星期五晚都唔洗等位啦，下次真係唔會唔會再幫襯囉。

成間野又用簡體字又用疑似係大陸話既廣東話，再加上核突的文字設計同一陣陣重口味的食物，我真的極度懷疑自己返左大陸，唔會再黎！好心依間野開得喺香港就跟返我地標準喇，不倫不類！

吐槽一下。为啥非得两百字以上才能评分！！！！非常不满意。写的又臭又长，大家不一定喜欢看。但是，对于这家店，还是忍不住评价一下，希望大家不要跟我一样上当。首先，服务员完全不合格，不只上错两次菜，而且还把我们先来点的菜给别人送去。最重要的一点，味道很一般，而且，菜有点凉。最后，菜的价格贵。如果好吃的话，我还是能接受，关键跟好吃一点都搭不上边。性价比超级低。总体来说就是乱，不知道脏不脏。不会再吃了。。。