豚王 (Closed)

早幾排天氣突變，未到新年凍到好似雪櫃咁得7定8度，晏晝當然想食d熱野暖暖個人，就走左去豚王豚王都算得係第一間過江龍殺黎香港，想當日蘭桂芳附近分店除左長期排隊仲係賣哂就冇，明星個個湧去食。到今日隨便搵個旺區都三四間過江龍或者標榜湯底煲左幾耐，又興起沾麵...嘩講講下都有d唏噓下晝四點幾左右去到，一入去除左煮麵位有兩個廚房，其實冇人理我同朋友，咁自己搵位坐啦..餐牌仍然係果四個選擇，今次揀左個赤王，朋友要左黑王。赤王認真一般，辣味靠日本d辣油同面頭d辣粉，直接d講，我食唔到任何豚骨香同辣香，係好在仲夠熱。想喺枱面加辣芽菜，點知侍應姐姐話冇...sosad朋友個黑王就還好，香濃帶甜味，但可能近幾年太多高質拉麵舖，今次食完豚王真係覺得佢不進則退服務又麻麻，冇日本料理尤其拉麵店比人溫暖、熱情嘅感覺，所以冇下次喇。