牧羊少年咖啡館 (Fashion Walk)

Open Now

Now Closed

好耐之前聽過呢間cafe但一路無試過，原來喺港島開咗分店。三個人去dinner都等咗好耐位，反而二人枱就好快。店內二人枱較多，多過兩個人真係要預多少少時間等位。味道方面都係一貫cafe口味，無太大驚喜。不過份量都算大碟，性價比唔錯。唯獨係唔知點解每碟菜式都落好多醬⋯忌廉鮮牛油果烤雞肉長通粉$98:賣相唔算特別吸引不過味道尚算唔錯。牛油果香芒烤雞沙律$108:好足料好清新～不過略嫌多醬。炙燒荷蘭汁豬肉排$78:性價比極高嘅一道小食。雖然係小食但仈量十足十主菜～唔好以為佢就係得咁多，其實佢下面仲有一層肉，剩食呢個都好飽。豬肉排食落一啲都唔韌，好好味😋不過都係太多醬，好heavy⋯走醬或少醬嘅話應該會好食好多👍🏻另外我哋每人叫咗杯嘢飲Peach yogurt $56清清哋幾開胃～Rose cafe latte$46咖啡味幾香不過玫瑰味就唔多夠。玫瑰可可朱古力$48好香朱古力味～總括嚟講可以一試不過如果等太耐位就唔多值得。