Tivoli 意大利餐廳

Open Now

Now Closed

下午時間路經佐敦呢一帶, 想食少少, 就走左入裝修頗有意式風情嘅餐廳, 悠悠閒閒食個午餐。午餐嘅選擇都不少, 價格都係大約$60左右, 但係基於本人太愛牛嘅關係, 我揀左個價值$78嘅牛柳餐。餐湯為意大利雜菜湯, 味道畸帶微酸, 屬可接受嘅口味, 但蔬菜味不太充足, 恐怕是煮湯的時候不夠火候吧!麵包亦是質素一般, 質感亦是頗硬及乾身, 即使搽左凹凸紋旋風狀的牛油, 麵包依然都係十分乾身, 呢點餐廳確實要注意點!幸好, 牛柳意粉的味道不錯, 磨茹醬汁味道濃而不咸, 配上6成熟牛柳, 感覺相當合拍。可能呢度無落太多鬆肉粉, 所以大家切/食牛柳嘅時候要花點功夫, 但係牛味都幾足, 為呢餐午飯挽回不少分數。