皇庭匯 (Closed)

難得今朝老公早起身，就叫佢一齊落樓下飲個早茶！早茶時段冇帶位，好彩咁啱有張細枱！叫咗個孖寶係排骨鳳爪蒸飯加我最愛嘅炸雲吞！另外仲叫咗一籠韭菜餃拼鮮蝦餃同埋一碟叉燒腸粉。炸雲吞真係值得一讚，上碟脆卜卜！仲要熱辣辣！加埋酸甜汁真係超級yummy!而韭菜餃拼蝦餃就真係剛好， 每款兩件啱晒我哋呢啲人少少想嘆番一盅兩件嘅食客！兩款餃未至於皮薄餡靚，但係都足料同味道OK的。叉燒腸普普通通，冇咩特別。但係個排骨鳳爪蒸飯就真係爭啲，飯身太乾，排骨較肥，食咗兩啖都已經唔係好想食。兩個人埋單$88 ，服務同食物一般，不過我都係志在同老公飲啖茶坐下，所以整體來講都係OK嘅～