Video
Read full review
2020-02-28
476 views
心血來潮想食辣野，發現原來東大街有間開左幾年嘅川菜，就即刻去試！三個人叫左個$218 青椒桂花魚鍋，叫完先睇到有得揀辣度同麻度，因為試食左覺得唔夠辣，有問店員可唔可以加辣，個店員話叫我地煲多一陣等佢出味再試下先。果然係滾多一陣啲麻味出哂黎，好夠麻，正😋店員之後都有嚟問我地夠唔夠味，洗唔洗加辣果啲，都幾細心👍🏻個鍋上檯先知個鍋有萵荀，都有好多塊下🤣但係魚片嘅份量都真係幾少，每人食得幾片左右，下次都係叫返個大鍋。叫左碟普通肥牛嚟食，$78嚟講都算係咁，份量都算多。仲有個粉條，落鍋煮幾分鐘已經夠淋，所以唔好煮超過十分鐘如果唔係好易碎。個粉條吸哂個湯嘅味，又幾好咬口，唔錯👍🏻哩個椒鹽豆腐就普普通通，覺得佢層外皮厚左啲，所以無種外脆內軟嘅感覺。最後叫左個麻辣雞煲，覺得佢味道有啲怪，唔似普通麻辣嘅味，好似有藥膳味咁，食唔慣。份量唔算少，都有啲青瓜，蘿蔔同薯仔做配料。蘿蔔同薯仔煲得幾淋，索哂啲汁，好入味👍🏻 個煲下面有個火一直keep住啲野食都係熱，哩點做得幾好🤓佢啲火鍋配料選擇都幾多，價錢都可以接受。本身想試佢嘅手打孖寶丸，可惜當日賣哂🙁 港島東區唔多可以食川菜嘅地方，如果想過下口癮，都可以嚟哩間
三個人叫左個$218 青椒桂花魚鍋，叫完先睇到有得揀辣度同麻度，因為試食左覺得唔夠辣，有問店員可唔可以加辣，個店員話叫我地煲多一陣等佢出味再試下先。果然係滾多一陣啲麻味出哂黎，好夠麻，正😋店員之後都有嚟問我地夠唔夠味，洗唔洗加辣果啲，都幾細心👍🏻個鍋上檯先知個鍋有萵荀，都有好多塊下🤣但係魚片嘅份量都真係幾少，每人食得幾片左右，下次都係叫返個大鍋。
青椒桂花魚
$218
43 views
0 likes
0 comments
叫左碟普通肥牛嚟食，$78嚟講都算係咁，份量都算多。
肥牛
$78
12 views
0 likes
0 comments
仲有個粉條，落鍋煮幾分鐘已經夠淋，所以唔好煮超過十分鐘如果唔係好易碎。個粉條吸哂個湯嘅味，又幾好咬口，唔錯👍🏻
粉條
$38
13 views
0 likes
0 comments
哩個椒鹽豆腐就普普通通，覺得佢層外皮厚左啲，所以無種外脆內軟嘅感覺。
椒鹽豆腐
$48
18 views
0 likes
0 comments
最後叫左個麻辣雞煲，覺得佢味道有啲怪，唔似普通麻辣嘅味，好似有藥膳味咁，食唔慣。份量唔算少，都有啲青瓜，蘿蔔同薯仔做配料。蘿蔔同薯仔煲得幾淋，索哂啲汁，好入味👍🏻 個煲下面有個火一直keep住啲野食都係熱，哩點做得幾好🤓
麻辣雞煲
$88
73 views
1 likes
0 comments
佢啲火鍋配料選擇都幾多，價錢都可以接受。本身想試佢嘅手打孖寶丸，可惜當日賣哂🙁 港島東區唔多可以食川菜嘅地方，如果想過下口癮，都可以嚟哩間試。
Post
