芳華絕代 (Closed)

呢間餐廳一直想試好耐，餐廳已霓虹燈為招徠，網上好多人都嚟打卡，今次慶祝朋友生日，泰國菜mood嘅我哋叫咗生蝦刺身、泰式串燒拼盤、飛天通菜、泰式海鮮炒金邊粉。生蝦刺身一碟六隻，水準正正常常，但價錢唔算話太抵食；泰式串燒拼盤點左牛雞豬各兩串，肉質幾滑，值得一讚係個沙嗲醬汁幾好食；飛天通菜調味啱啱好；泰式海鮮炒金邊粉炒得算乾身，份量都夠2-3人分享。飲品方面，點咗黑牛同泰式奶茶，兩杯都叫咗少甜，味道唔錯，飲品比菜式出色。水準不過不失，唔算特別正宗同惹味，價錢亦唔係特別抵食，黎呢到打下卡或者飲嘢傾計會更合適。