阿四車仔麵 (Closed)

我同朋友去開旺角，咁啱我哋又未食嘢，我哋就喺OpenRice度search車仔麵，見到呢一間嚟我哋幾近，所以就去咗呢一間到食。🤧🤧------------------------------咁啱撞正下午茶，嗌三個餸連一個麵只係30幾蚊，我就嗌咗炸墨魚卷、豬紅、蘿蔔、瑞士雞翼同埋米粉。而我朋友就嗌左牛腩、豬大腸、蘿蔔同埋粗麵。醬汁方面我揀咗麻辣醬，朋友就揀咗沙嗲醬。餸方面，豬紅冇乜味，蘿蔔都幾甜，瑞士雞翼就幾入味。但個麻辣醬汁好辣，辣到我要用我朋友個碗沙嗲湯去沖一沖🤧🤧，但都幾好食嘅。而我朋友就覺得不過不失。但我覺得份量都唔算少。------------------------------咁啱經過又諗唔到食啲咩嘅話都可以去食吓。