Video
Read full review
2021-07-28
296 views
今日去將軍澳探朋友，諗緊去邊度食晏之際，經過呢間門面好有日本feel嘅餐廳。日本菜從來都係我杯茶，於是就入去試吓。店內以木嘅裝修同埋佈置為主，淺木色嘅橫樑，配上深木色嘅餐桌，感覺和諧舒服。橫樑上掛上大大小小、寫滿日文字句嘅紙燈籠及魚形竹燈籠，加上色彩繽紛嘅旗幟，以及充滿日本色彩嘅海報，好有日本磯燒店嘅感覺。唔係旁邊咁多食客講緊廣東話，真係以為自己去咗日本🥰。侍應招呼我哋坐低，遞上平日嘅lunch set menu，價錢約$1xx-2xx，有壽司、魚生丼，及各種熟食定食。本來我想食壽司，但只有兩款壽司set選擇，而且魚生種類不太吸引，份量又唔算多，以二百幾蚊來講唔算好抵食，於是同朋友都叫咗$118嘅四色魚生丼。Lunch set 同一般餐廳一樣，有麵豉湯，沙律，茶蒸碗，同埋主食。前菜正常，冇乜驚喜。四色魚生丼包括：三文魚粒 - 唔算好肥美，但厚切，尚算新鮮。吞拿魚蓉 - 平時我好少食吞拿魚蓉，因為冇乜口感，同埋會有少少腥，但呢度完全冇咁嘅感覺，食到吞拿魚嘅味道，份量都不少。帶子 - 只有小小兩片，好單薄吓，味道不過不失。牡丹蝦 - 有一隻，爽口但不太鮮甜。飯冇乜珍珠米嘅香味，醋味亦都唔夠
店內以木嘅裝修同埋佈置為主，淺木色嘅橫樑，配上深木色嘅餐桌，感覺和諧舒服。橫樑上掛上大大小小、寫滿日文字句嘅紙燈籠及魚形竹燈籠，加上色彩繽紛嘅旗幟，以及充滿日本色彩嘅海報，好有日本磯燒店嘅感覺。唔係旁邊咁多食客講緊廣東話，真係以為自己去咗日本🥰。
侍應招呼我哋坐低，遞上平日嘅lunch set menu，價錢約$1xx-2xx，有壽司、魚生丼，及各種熟食定食。本來我想食壽司，但只有兩款壽司set選擇，而且魚生種類不太吸引，份量又唔算多，以二百幾蚊來講唔算好抵食，於是同朋友都叫咗$118嘅四色魚生丼。
Lunch set 同一般餐廳一樣，有麵豉湯，沙律，茶蒸碗，同埋主食。前菜正常，冇乜驚喜。
16 views
0 likes
0 comments
四色魚生丼包括：
三文魚粒 - 唔算好肥美，但厚切，尚算新鮮。
吞拿魚蓉 - 平時我好少食吞拿魚蓉，因為冇乜口感，同埋會有少少腥，但呢度完全冇咁嘅感覺，食到吞拿魚嘅味道，份量都不少。
帶子 - 只有小小兩片，好單薄吓，味道不過不失。
牡丹蝦 - 有一隻，爽口但不太鮮甜。
飯冇乜珍珠米嘅香味，醋味亦都唔夠。
四色魚生丼
5 views
0 likes
0 comments
平日冇加一，以$118嘅價錢食到呢個質素尚算可以，但再貴啲嘅lunch set就性價比不高了。香港周圍都好多日式餐廳，對比之下呢度唔算十分吸引，但食吓lunch亦未嘗不可。
Post
