豚道樂 (百合苑商場) (Closed)

自從上星期試過呢間拉麵店期間限定嘅鯛蜆白湯拉麵之後，一直念念不忘，於是隔咗一個星期又再嚟試吓其他款式嘅拉麵。今次揀咗黑蒜油拉麵，湯底味道非常濃郁，有好香嘅黑蒜油味，朋友就嫌杰左少少，飲落有少少滯同肥膩。拉麵底揀左普通硬度嘅曲麵，一樣係非常掛湯。叉燒都係正常發揮。本身諗住有儲分卡會送溏心蛋，原來要叫特上拉麵先至有。可能上次嘅白湯拉麵太出色🙈，整體覺得呢個黑蒜油拉麵只係不過不失，相信其他地方有更好嘅選擇。