德國餐廳 (Mikiki)

Open Now

Now Closed

難得閒日放半晝，又係時候tea 一tea。間餐廳有室外同室內，成30度氣溫，梗係坐入面歎冷氣啦。由於閒日關係，差唔多包場，所以環境清靜舒適。下午茶有4款：雞扒、德國豬肉腸、炸魚柳或牛扒加滑蛋配多士、炸薯條或意份。德國豬肉腸配炸薯條加滑蛋$42黎得德國餐廳梗係簡德國豬肉腸啦，成餐最出色係德國腸，好香香料味同有肉汁，份量又多。但薯條可以炸耐d，唔夠脆。滑蛋好大份，但唔係好滑。牛扒配多士加滑蛋$48塊牛扒都算大塊，有咬口。但多士無咩味，如果俾d 牛油搽下會美味d。兩杯凍檬茶都無咩茶同檸檬味，有待增強。睇黎都係集中叫番德國野好D，但幾十蚊個餐，唔加一又無咩人，坐下都抵啦。