The Joomak (Closed)

星期二約朋友晚飯，3位大人1位小朋友，不過坐唔到窗邊位，我地都有d 失望，唯有下次再try 啦...講返食物，見到星期二有個90分鐘hot pot 任食優惠，食物種類多，睇menu 就唔係hea 丸同普通肥牛，湯底都幾特別，諗住試，不過小朋友唔食火鍋，同枱都要計一個人頭，只好放棄了...所以最後散叫左幾樣，總括黎講：不過不失。牛油果青檸炸雞，酸may may 甜甜地，個味係幾有趣ge,個人認為無咩牛油果味，炸雞都香口，不過真係唔食得多，我地最後都有成剩。羽衣甘藍煎餅，小朋友唔太鐘意食，可能因為綠色，下意識會有d抗拒。嗯...我覺得唔需要有期望，因為無咩味（羽衣甘藍本身都無咩味），當係食下素食，清清地～最唔推介的一款，芝士魷魚筒，好似分別將芝士，魷魚同埋炸粉放入口食，無化學作用，無提升味道，所以唔食唔可惜...