MoMo Café

Open Now

Now Closed

11點50分已到達沙田萬怡酒店，大約十零人在排隊等候，12點正就安排左近窗邊既座位~當然大部分人一開始就進攻凍海鮮類~而我就見無人拎點心，就拎左碟燒賣，蝦餃，金錢肚同蒜蓉蒸鮮魷~賣相就同平時酒樓無咩分別，至於味道都算唔錯，金錢肚好淋，燒賣都好多蝦彈牙，蝦餃皮唔算太厚，鮮魷就中規中舉啦～熱盤選擇唔多，所以無咩試~食左幾條多春魚，唔夠熱一般般~熱盤隔離係兒童區，有一點炸物，芝士通粉，糖果咁~到海鮮方面，蟹鉗比較細隻，鮮味唔係隻隻有，但大部都ok既~食到中段，無啦啦聽到打鼓聲，原來係乳豬出爐，因得一隻，比較多人排隊，想食既朋友就記得留意打鼓聲，小妹有幸排到兩舊，一個字，正~勁脆同多肉唔肥~到甜品方面:選擇唔算好多，但有雞蛋仔，窩夫，葡撻，同一d蛋糕~雞蛋仔有驚喜，外脆內軟~葡撻都唔錯~至於雪糕方面係movenpick，有4至5種口味~我咁啱出去拎甜品，就見到上焦糖燉蛋，見出爐只有10個~所以想食既朋友，記得留意喇~總括而言，價錢$246.5，以自助午餐都算ok既~但有樣做得唔係咁好，就係收碟比較慢，希望會改善啦～