聰嫂星級甜品 (Closed)

放工同朋友食咗個飯，喺利舞臺附近行咗陣又吹咗陣水就覺得有啲口渴，想揾嘢飲。朋友熟路帶我轉兩個彎就嚟咗呢度，自己嚟過咁多次時代都唔知原來咁近。入到去幾乎都無哂傳統自己叫嘅芝麻糊、合桃糊或者雙併。所有食品都係預先配搭好。本來淨係想食椰汁西米露幫助消化，結果叫有埋涼粉嘅。雖然我食涼粉，但有啲擔心會太涼。椰汁都係正常罐頭開嗰啲，西米通透，質感良好，涼粉有啲實，係正常嘅甜品啦。價錢就預咗貴㗎啦，又係出名鋪頭又係貴區。都係因為想傾多陣先入嚟。