Olive Cafe (Closed)

我返工地方近大埔，於是就黎呢邊搵野食，呢間餐廳都算方便搵，價錢唔算貴，上網訂座仲有折。我地2個人一黎到見到都幾多空座位，可能因為我地係平日黎食，加上未夠7點鐘，我地叫左個羊架薯條，味道正正常常，意粉味道一般，我覺得唔夠入味。而因為我朋友生日，提前要求叫餐廳幫我準備甜品加朱古力生日名，餐廳師傅好用心係木碟上用朱古力寫得一手好字，仲有紅加黑兩色混合，打卡一流。整體黎講呢間餐廳算係大眾化，坐得舒服，不過味道唔算特別出色。