日本野 (銅鑼灣廣場二期) (Closed)

上OpenRice 訂位有88折，仲可以訂到即日午餐，又夠就腳，所以試一試！咖喱牛肋條烏冬 $78日式咖喱無辣味，非常適合小朋友食👍🏻 加埋溫泉蛋，味道更濃厚，仲有四大條炆得好淋嘅牛肋條牛肋條，小朋友都咬到仲爭住食🤩 火灸蝶魚裙邊海膽飯 $108有2件海膽，都甜甜地嘅！飯面鋪滿燒得香噴噴的火灸蝶魚裙邊，每啖都有餸👍🏻 仲有鮮甜嘅三文魚籽，拼埋一齊，令成個飯好有滿足感！特選壽司拼烏冬/蕎麥麵 $98簡單的壽司拼盤，可選烏冬或蕎麥麵。烏冬有兩片日式魚片同粟米🌽。蕎麥麵就有好多紫菜係面😆