Video
Read full review
2018-06-26
1249 views
再戰京饌，當然要兌現自己既承諾，試下佢個北京填鴨啦等左廿五分鐘到，北京填鴨終於上台啦！其實一放低，就賣相而言，同我想像既有啲出入。睇食評見到果啲皮會多啲同燒得金黃啲嫁喎見到隔離台遲上既果隻大隻啲，皮又燒得靚啲，我地哩隻鴨應該係鴨仔黎，偏瘦既可能我地運氣冇咁好啦，雖然有些少失望都即管試下佢，話曬大家食過都讚好嘛～先講下主角填鴨先啦！鴨騷味，我個人就覺得鴨冇咩騷味既，但同伴就覺得有啲騷，不過都係係接受範圍之內。鴨肉，單就鴨肉而言，肉質燒後尚算嫩滑，可能未係十分juicy果種，咬落去唔會鞋口，做得唔錯。都係果句，我地隻鴨較瘦弱，唔夠澎湃；又或者師傅切曬啲肉啦睇下果兩隻鴨脾，其實係得啲骨，好少肉咬鴨皮，鴨燒得唔夠均勻，唔同部位鴨皮既口感唔同，有啲位係香脆少油脂，做得出色既。但大部份鴨皮燒得未夠 火候、唔夠脆，切得細片亦佢變得失色。如果燒得均勻啲就好啦～值得一讚既係，鴨既皮下脂肪唔多，減少油膩感同罪惡感(見過朋友食既片皮鴨成塊都係脂肪，真係唔知點食)配料方面有青瓜條、京蔥同山楂條。青瓜條感覺唔太新鮮，爽脆度唔夠，切出黎既大細有出入，切得太薄既包係餅皮入面會冇咩口感京蔥正常，無特別山楂條質感偏
等左廿五分鐘到，北京填鴨終於上台啦！
黃袍北京填鴨
$380
59 views
0 likes
0 comments
其實一放低，就賣相而言，同我想像既有啲出入。睇食評見到果啲皮會多啲同燒得金黃啲嫁喎
見到隔離台遲上既果隻大隻啲，皮又燒得靚啲，我地哩隻鴨應該係鴨仔黎，偏瘦既
可能我地運氣冇咁好啦，雖然有些少失望都即管試下佢，話曬大家食過都讚好嘛～
先講下主角填鴨先啦！
鴨騷味，我個人就覺得鴨冇咩騷味既，但同伴就覺得有啲騷，不過都係係接受範圍之內。
鴨肉，單就鴨肉而言，肉質燒後尚算嫩滑，可能未係十分juicy果種，咬落去唔會鞋口，做得唔錯。都係果句，我地隻鴨較瘦弱，唔夠澎湃；又或者師傅切曬啲肉啦睇下果兩隻鴨脾，其實係得啲骨，好少肉咬
鴨皮，鴨燒得唔夠均勻，唔同部位鴨皮既口感唔同，有啲位係香脆少油脂，做得出色既。但大部份鴨皮燒得未夠 火候、唔夠脆，切得細片亦佢變得失色。如果燒得均勻啲就好啦～
值得一讚既係，鴨既皮下脂肪唔多，減少油膩感同罪惡感(見過朋友食既片皮鴨成塊都係脂肪，真係唔知點食)
配料方面有青瓜條、京蔥同山楂條。
青瓜條感覺唔太新鮮，爽脆度唔夠，切出黎既大細有出入，切得太薄既包係餅皮入面會冇咩口感
京蔥正常，無特別
山楂條質感偏軟身，酸甜既味道唔太出，要單獨認真品嚐先有山楂既味道
餅皮方面，面頭有一層粉防黏，餅皮唔油
哩到既餅皮唔似其他鋪頭咁用蒸籠蒸熱、蒸軟，可能係用烤焗既形式加熱，食落較乾身，放耐左再食有啲似硬身既wrap
可能因為佢偏乾同硬既關係，會令餅皮變得厚，包左所有配料之後，淨係食到啲醬既味道，令其他配料既味道同口感冇咁明顯，個人較偏向軟身啲既餅皮唔會蓋過其他配料味道同口感
可作改善
整體黎講，冇咩驚喜喎！又係果句，期望越大失望越大？！
唔用餅皮包住黎食既，鴨肉、鴨皮都有做得唔錯既地方，可以食到各自本身既質感同味道；
但用左餅皮包住食之後，餅皮入面既所有配料都比餅皮同醬搶左風頭，味道、口感都一體左，唔知自己食緊咩，要仔細咁試先記得係食緊片皮鴨。似係食緊卷，但入面包住咩，你係唔知既咁
另外，一隻北京填鴨要$380，比香港其他相對出名食鴨既餐廳要貴，但以咁樣既質素黎計，好似有啲進取
如果有半星，我會比三星半，但無。睇在佢唔肥膩、脂肪少哩一點，我比佢四星啦～
咸蛋鍋粑
$68
41 views
0 likes
0 comments
咸蛋鍋粑有六件，碟底有少少咸蛋醬。
鍋粑係即叫即炸既，一放低就試左一啖，仲熱，炸得金黃香脆，仲幾乾身，食落似食緊熱啲脆啲既米通，唔會成口油。
咸蛋醬份量唔多，但會聞到咸蛋既香氣。加埋鍋粑一齊食味道更好。
個人而言，對炸野不嬲就唔麻麻，試左一啖就冇食。對於唔中意炸野既人黎講，正常既表現啦！冇咩特別，但唔會去到差既地步既。
不得不提，鍋粑性價比低左少少，六件鍋粑索價$68，如果比我揀我會寜願試其他麵食或小食
雞絲粉皮
$68
55 views
0 likes
0 comments
雞絲粉皮無得輸
每試一間上海菜館，雞絲粉皮係必叫菜式，而京饌既雞絲粉皮絕對係我心目中既no.1
粉皮份量足，雪得夠凍，質感爽彈，每次食都覺得好幸福
慷慨既雞絲同麻醬令哩道前菜增色不少
青瓜份量就較少，起唔到清新既作用，好似都唔係好新鮮，不過可以令口感更豐富
衛生方面，睇落環境古色古香，都幾乾淨企理，但係仔細觀察你會發現餐具依然有些少污漕，不過出得街食都預左嫁啦～
服務方面，雖然京饌既服務員有部份年過半百，但佢地服務態度其實唔差，會主動加水、有問必答，有個伯伯仲成日笑笑口咁同我地講野添反而門口帶位果位三、四十歲女人黑口黑面咁，唔知想點
順帶一提，晚市每位要收$12茶位費，仲要加一呀
京饌會再食，但片皮鴨一試便足夠。香港邊到有好食既片皮鴨呀？
Post
