Video
Read full review
2016-03-27
7397 views
這間餐廳一直是我下午茶的首選， 一來下午茶有三文魚刺身，又有我喜歡的甜品，粥及意粉都只是15X,價錢理想又就腳。難得放假，約埋親愛的去試下佢個午餐，睇下貴幾十蚊既午餐有無咩大分別。坦白講，無。我大大話話黎左依間下午茶，真係可以背到佢有咩，由一入門口既芝士，有幾款，唔太吸引，蒸燕窩蛋(我次次食兩杯，因為又熱，又滑，而且好大粒燕窩)，包，雪糕(自己jit既雲尼拿雪糕，個cone都脆嫁，饅頭，再到飯麵，再到我鐘意食既墨魚丸(佢新鮮炸起，唔油，彈牙，爽口，次次最少半打)，炸野(素春卷就唔太得啦)，菜(普通啦)，自製Pancake(禁個掣就新鮮即製，配料齊備)，再黎葡達仔(熱既)，熱葷，羊架。講左好多野，到我最愛既魚柳(煎完唔乾次次食佢先,唔係魚柳包個啲炸魚，係濕濕地嫁，好滑)。中間係湯(中西兩款，我個個就鐘意佢中湯，夠火喉)，甜品一堆蛋糕仔，西瓜菠蘿(加華梅粉)同蛋糕朱古力。嗱，講真食甘貴都係為左冷盤，再隔條行就係啦，蝦(ok la)，蟹腳(夠凍，夠大隻既部份，夠juicy,不過啲鹽水有啲咸，但無乜雪味)，螺(凍得劑，少少沙)，凍烏冬(加蛋絲甜烏冬汁，正呀！)，沙律菜(一般啦)，頭盤(唔吸引我
難得放假，約埋親愛的去試下佢個午餐，睇下貴幾十蚊既午餐有無咩大分別。
坦白講，無。
我大大話話黎左依間下午茶，真係可以背到佢有咩，由一入門口既芝士，有幾款，唔太吸引，蒸燕窩蛋(我次次食兩杯，因為又熱，又滑，而且好大粒燕窩)，包，雪糕(自己jit既雲尼拿雪糕，個cone都脆嫁，饅頭，再到飯麵，再到我鐘意食既墨魚丸(佢新鮮炸起，唔油，彈牙，爽口，次次最少半打)，炸野(素春卷就唔太得啦)，菜(普通啦)，自製Pancake(禁個掣就新鮮即製，配料齊備)，再黎葡達仔(熱既)，熱葷，羊架。
講左好多野，到我最愛既魚柳(煎完唔乾次次食佢先,唔係魚柳包個啲炸魚，係濕濕地嫁，好滑)。中間係湯(中西兩款，我個個就鐘意佢中湯，夠火喉)，甜品一堆蛋糕仔，西瓜菠蘿(加華梅粉)同蛋糕朱古力。
嗱，講真食甘貴都係為左冷盤，再隔條行就係啦，蝦(ok la)，蟹腳(夠凍，夠大隻既部份，夠juicy,不過啲鹽水有啲咸，但無乜雪味)，螺(凍得劑，少少沙)，凍烏冬(加蛋絲甜烏冬汁，正呀！)，沙律菜(一般啦)，頭盤(唔吸引我姐，但都有凍火腿個啲)，再出返去刺身櫃(三文魚，八爪魚)。
其實你問我，我以前同Fd食最多，係佢任食既意粉，(依加下午茶只可以叫一次),廚師即煮，最吸引既白松露海鮮加芝士粉，你諗下松露既香，或奢白汁既滑，同幾款面，正)再加推介既即煮粥(自己點材料，叫做即刻煮)，班Cake(當甜品整返一個，加朱古力醬，好味)。意粉我推介松露海鮮長通粉)。
讚既講左先，每人有一杯野飲，橙汁蘋果汁都大杯，仲每人送兩隻生蠔(不過今次啲蠔又瘦又多殼，但都鮮味)同蝦多士(新鮮整起，油左啲，但好脆)。
至於彈，我好似12：00鬆啲入座，一入去我就睇我個個最鐘意既長腳蟹，我係係左長腳蟹先黎依間，因為次次都有)下午茶都Fill得快。
但我午餐比多幾十蚊，見佢只係Refill左3—4次，點解，因為好多人黎到都見唔到蟹腳話爭唔到，我唯有企係個度等，所以等左3轉。我最後個轉只係出左8隻蟹腳同啲較位甘大把(但時間都係食到一半到)。
出蟹腳次數少，而且Refill又慢，我數住甘唔多15分鐘先一次，仲要好多人拿唔到。,不過講真係好味既，唔凍到成口雪同冰已經合格，不過出密啲，我地可以飲多啲蟹腳既汁，成手都係好惹味。
我下次都係食下午茶算，又平啲，橫掂啲野睇唔到分別。
218加一，唔抵啦!
$239
114 views
0 likes
0 comments
Post
