春水堂人文茶館 (創紀之城五期(apm))

Open Now

Now Closed

之前見到成日排隊一直都無機會食到，今次終於食到，仲要唔使等黎到即刻有位。 太耐無食台灣野咩都想食，首先叫左個滷香拼盤 ($78)，有大腸、牛肚同牛筋，入味得黎唔會好鹹，好夠味！牛筋唔韌，充滿膠質既感覺，大腸好香，牛肚係最好食 跟住叫左個黃金香酥雞 ($48)，唔係好有鹽酥雞既味道，唔太夠味，比較似普通炸雞，不過係外脆內軟既。 主食有個紅燒牛肉麵 ($82)，個湯幾好味，不過唔知係咪放得太耐先食所以啲麵有少少淋，但係份量係唔算少，分別有兩塊牛筋同牛肉，同樣地唔會好韌，肉質幾嫩，幾香既牛肉味，略嫌少貴。 之後仲有個細碗既魯肉飯，食完個麵其實已經飽左，個飯都唔係好食得落，係正常味道既魯肉飯，有肉鬆喺面，細食既女仔叫一碗都夠食 飲品方面，分別叫左杯凍既珍珠鐵觀音奶茶 ($34) 同凍既珍珠茉香奶茶 ($34)，茶味幾香，叫左少甜真係無咁甜既，珍珠有咬口，唔錯 最後食飽左見到人地食甜品都忍唔住叫左個珍珠熔岩蛋糕 ($58)以為佢流心點知切開原來係實心，有少少失望。蛋糕夠軟熟，啲cream好香，但整體係甜左啲，食完會口乾果種兩個人食連加一埋單$398，其實晚餐黎講唔算貴，不過可以再食好少少