Video
Read full review
2015-04-13
1190 views
雖然那是去年的事，不過我都好想寫番和男朋友去過食野的地方。呢一日係我失業多時之後的第一個返工日，而且我和男友都成兩個禮拜無見，於是我們就約了呢晚出黎見下面啦。 那晚我男友睇完醫生，都差唔多八點，不過他諗起 9 點開始稻香有宵夜火鍋，而且每人都係百零蚊，都幾抵食，咁就不如等多陣先去食啦。呢度的火鍋係電磁爐的，比用 gas 爐的火鍋更方便更安全吧。我們叫了雞湯湯底，味道都 ok。薄切雪花牛肉，估唔到賣相都幾靚，肥瘦適中，都有少少牛味啦。另外生菜大大碗咁上，份量好多，洗得好乾淨，而且都算新鮮。基本上我們兩個都鍾意食牛，差唔多成晚都在食牛肉。另外都叫了其他食物，好似豆卜、雞肉、炸腐竹卷、白蘿蔔等，不過味道都係普普通通啦。記得最後我們仲拿了兩杯細細杯既雀巢雪糕，我想食既朱古力味無晒，咁男友幫我拿了芝麻味，而他拿了雲呢嗱味，叫做飯後甜品啦，好滿足~ 男友係心急人，同佢一齊食飯，係好難影到靚 shot 架，相機想食先都好難，哈哈。但係，當煲入面既水就黎乾晒，有些侍應都好似睇唔到咁，好少主動幫我們加水。我們親眼和親耳聽到和睇到，當有個後生既侍應，想主動幫我們加水個陣，有個老老地的侍應就叫他唔好攪，好
那晚我男友睇完醫生，都差唔多八點，不過他諗起 9 點開始稻香有宵夜火鍋，而且每人都係百零蚊，都幾抵食，咁就不如等多陣先去食啦。
呢度的火鍋係電磁爐的，比用 gas 爐的火鍋更方便更安全吧。
我們叫了雞湯湯底，味道都 ok。薄切雪花牛肉，估唔到賣相都幾靚，肥瘦適中，都有少少牛味啦。
另外生菜大大碗咁上，份量好多，洗得好乾淨，而且都算新鮮。基本上我們兩個都鍾意食牛，差唔多成晚都在食牛肉。另外都叫了其他食物，好似豆卜、雞肉、炸腐竹卷、白蘿蔔等，不過味道都係普普通通啦。
記得最後我們仲拿了兩杯細細杯既雀巢雪糕，我想食既朱古力味無晒，咁男友幫我拿了芝麻味，而他拿了雲呢嗱味，叫做飯後甜品啦，好滿足~
男友係心急人，同佢一齊食飯，係好難影到靚 shot 架，相機想食先都好難，哈哈。
但係，當煲入面既水就黎乾晒，有些侍應都好似睇唔到咁，好少主動幫我們加水。我們親眼和親耳聽到和睇到，當有個後生既侍應，想主動幫我們加水個陣，有個老老地的侍應就叫他唔好攪，好似仲罵左他幾句添。
之但係桌面壼水太重，我女仔一個拎唔起，男友又咁岩整親手唔方便拿。好彩我們次次叫那個後生侍應埋黎幫手加水，他都好肯過黎加水的。我們同他講 sorry同埋累他俾人罵，他無西面，反而仲好風趣咁讚我男友係「廿四孝男友」添~
我們兩個坐左三個鐘，差唔多坐到半夜至走，但係都無人會催埋單或者趕我地走，即使環境有少少嘈，但都算係吹水既好地方。
呢餐飯埋單大約是 $220，即係平均每人 $110，食既野同晚巿差唔多，不過價錢就平一些，都幾抵食！
但講真，服務整體就差左少少。
雖然今晚宵夜不過不失啦，不過我真係好多謝男友，雖然他都失左業兩個幾月，但係今次都仲係他請食飯。BB，你對我咁好，我剩係愛你一個架咋。我希望下次出黎食飯個陣，我可以請番你食好野！
Post
