抹茶館 (Closed)

以我咁鍾意食抹茶甜品，去抹茶館食甜品當然係少不了。夏日炎炎，向旺角行到熱一熱好自己就去左抹茶館食個甜品冰凍一下。大約4點幾去到，店內都有唔少客人，入坐無耐都見到有幾個人向門口排隊了。而我今次揀既係抹茶餡蜜。剛端上黎既時候都只係普通既盒仔，有一小杯黑糖，仲有一杯味似香片既綠茶。打開之後原來有2層，如相所示，上層有綠茶雪糕，紅豆，粟子，柑，杏鋪同白玉。坦白講，綠茶雪糕味道唔係好出，比起中村既綠茶雪糕仲爭幾個level，若店鋪係以綠茶做主打應該放多點注意力於綠茶味既甜點。其他配料味道跟平常一樣，不太特別。下層有綠茶啫喱，大菜糕，加上黑糖後味道不錯。茶方面，味道似香片，感覺上跟普通茶樓差唔多……都係果句，要以抹茶做主題的話，所有涉及綠茶既食物都應多加注意同放多點心思。