祥勝茶餐廳 (Closed)

好耐冇去跑馬地食早餐，咁啱今日嚟左，就去呢間試下佢嘅早餐。 今次坐咗喺上層，可能係星期日嘅關係所以比較繁忙，坐低嘅時候枱上面嘅餐具都未收拾好。不過好快就有人嚟收拾同埋幫我地點餐。我嗌咗個B餐($35): 火腿煎蛋通粉同熱鴛鴦，嗰份量都勉強足夠一個人食。 驚唔夠食嘅我亦再嗌咗個油占多($13)。佢杯熱鴛鴦嘅咖啡比例好似比較重，所以飲落去會感覺係似咖啡多啲。但係味道都非常香濃。 而油占多亦都做得唔錯，果醬嘅份量算多，都算係幾足料嘅，不過價錢就有少少貴。