都會自助餐廳 (Closed)

6:00就開始的buffet，位置唔算難搵，係永安斜對面，原來泊車個位行前少少有扶手電梯直接到。講番餐廳先，行入去就望到我最愛的雪糕，之前睇食評見到呢間有成11種味道已經好期待，之黎侍應就帶我地入去坐。講真呢間一入去環境唔算大，野食種類就咁望落去唔算多。侍應帶我地去到座位後，放低手袋就出去拎野食了，今次決定拎拎拎先，首先去生冷野區，放眼望上去有唔係算好大隻既生蠔，東風螺，藍青口，青口，龍蝦仔，蝦，蜆肉同蟹腳，講真種類算多既啦，至於魚生壽司都有，但竟然有吞拿魚任食算驚喜了，拎完魚生生蠔之後，番埋位去拎我既熟食。首先去佐拎海皇湯，佢配料係左手邊既，再自己加湯落去，唔...個湯唔係我喜歡既。之後去拎熟食，種類選擇一般啦，我極力推介佢個炒鱔同片皮鴨，好好味👍反而佢燒牛肉就唔好食，好鞋，其他都ok既。食完熟食開始食我拎番黎既海鮮啦，生蠔唔算大隻但味道ok唔太咸，但開蠔既人真係要小心d，因為2隻入面平均1隻有蠔殼碎，青口好好食，蝦都好新鮮，蟹腳就一般般啦，至於魚生都ok，竟然有吞拿魚任食，驚喜之一。食佐呢轉都飽飽地決定轉攻女仔第二個胃-甜品😆😆雪糕真係好多種味道丫，我就揀佐我想食既士多啤梨，朱古力