阿叔泰麵 (西菁街) (Closed)

放半日假，可以me time，走到較為偏僻嘅阿叔泰麵，靜靜地食個想念已久的船麵，加杯泰式凍檸茶，感覺良好。牛肉船麵 - 飲啖乜都無加的湯頭，幾香濃，之後先跟足指引，加上4大調味料，當中有醋、辣椒粉、魚露同白糖後，成碗湯的確係醒神咗。3大舊牛腩，煮得好淋，仲有牛肉丸，再配上最愛的炸豬皮，不過不失，只後稍嫌湯頭比得太少，多一個湯殼就更好。無骨鳳爪 - 加$15有幾款小食，我就㨂左無骨鳳爪，估唔到有咁多隻，一條友差啲食唔哂。味道比想像中辣，食到鼻水都流哂。泰式檸檬茶 - 係同平時茶記檸茶嘅味道有些微差別，係配青檸的，但味道較甜。地址：元朗西菁街20號益輝大廈地下3號舖