陳勤記鹵鵝飯店 (Closed)

今日放學本身約左朋友去睇戲，不過同另一個朋友早左到，咁就去食完飯再過去啦。係附近間鹵鵝 陳勤記 幾出名，都上過報紙幾次，又有米芝蓮加持，經過咁多次，今日終於有幸試下。午餐餐牌都有10款選擇，不過黎到就緊係食鹵鵝。叫左個鹵鵝拼豬頭肉飯試試佢。黎到陣鹵水味都算香，但個人認為係偏淡口，不過好處就係仲食到鵝味。鵝肉肉質都算軟滑，咬落偏淋身，唔會鹵到實晒。豬頭肉第一次食，口感幾有趣，膠質豐富，食落似豬耳感覺，本身以為會好肥又唔會。不過個人口味，始終覺得味太淡，唔係好岩feel，個人偏好重味d嘅鹵水。