蓮．越坊 (Closed)

之前有朋友介紹灣仔區一間越泰菜,於是今日路經灣仔就去試一試,一入到去,發覺環境寬敞,適合三五知己悶談,餐廳主打泰國及越南菜,菜單上有多款選擇,我點左紅咖哩燒配豬頸肉、油酥餅、九層塔燒茄子。紅咖哩配燒豬頸肉,燒豬頸肉味道濃郁可口,紅咖哩帶點香辣滋味,可惜汁比較稀。油酥餅,入口鬆軟,沾上咖哩食真係一個唔錯既食法。九層塔燒茄子,茄子顏色保持紫色,九層塔令茄子多一份香味,食得過。