達人烤肉 (Closed)

講左好耐話想去食韓燒,終於有機會!上到去,環境唔錯,枱同枱之間唔會太迫,電視播住K-POP,待應仲多數係韓國人,夠晒地道!叫左一份牛一份雞,落完單就即刻比配菜黎,有沙律,泡菜,洋蔥..沙律唔錯,夠清新開胃,食燒肉前最岩!不過泡菜就好似咸左少少…最期待係佢爐上面蛋既同芝士粟米,睇住D芝士慢慢溶,未食已經覺得好正!粟米好甜,溝埋芝士食味道好新奇,又咸又甜咁,但要快D食,因為D芝士燒得耐會燶…蛋好滑, 蛋味都算濃。主角終於上枱,雖然份量唔多但夠新鮮, 牛肉燒一陣已經好快熟,食落幾嫩滑,可以食到濃濃既牛肉味,相比牛肉, 雞肉就令人有D失望,太普通,重香料味,蓋過晒肉味。