龍景軒

Open Now

Now Closed

今日試下呢間米芝蓮三星嘅餐廳，之前都有聽朋友講過話唔錯，雖然今次坐唔到窗口位，不過食完之後我都覺得係可以再黎食過既。可能因為真係五星級酒店嘅關係，服務真係特別好，整體質素唔錯。職員有禮貌，會同客人打招呼，見到你枱面杯茶差不多冇晒，會即刻過嚟幫你，唔使你自己出聲，係幾細心。今日係慶祝生日嘅關係，職員都有好主動咁話幫我哋影相，都唔使我哋出聲，值得一讚。負責我哋枱嘅職員都有同我講生日快樂，到走個陣另一個職員都有再同我講生日快樂，成餐飯我諗我應該聽咗三、四次生日快樂，係幾窩心嘅，起碼令到我會想再黎食。講返正題，食物整體質素唔錯，如果100分係滿分，我比78分，因為我自己叫嘅菜式比較清淡，唔知係唔係咁嘅關係，味道都比較淡，我個人黎講係鍾意嘅，不過如果對比係一啲鍾意濃味少少嘅嘢嘅人黎講可能就差啲啦！不過甜品我就覺得真係幾好食既！另外雖然佢係五星級酒店，不過我都係覺得價錢有啲偏貴。如果咁嘅價錢呢，我對佢嘅食物質素會相對要求高啲，今次整體嘅嘢食黎講可以有進步既空間，直接啲講，除咗我食嘅遼參（雖然我都覺得唔太值），其他食物都唔太值個個價錢，當然我係單單就住佢嘅食物質素嚟評價，如果你話包埋服務嘅，咁又真係