南國小喫

Open Now

Now Closed

早前喺Facebook見到西灣河間車輪餅，喺鑽石山開分店，見得閒就過去試下啦！可能係因為假日嘅關係，都幾多人排。落單個陣，職員話只係得紅豆，吉士，同紫薯。因為個人不太鐘意吉士，所以嗌紅豆同紫薯紅豆味有啲甜，不過好足餡架！咬每一啖都食到紅豆，而且個皮個好脆添。好食程度都有6.5/10 分嘅!至於紫薯味就相對地冇咁甜，有淡淡嘅紫薯香，味道唔算好濃。可能餡料夠多，所以有一種食緊蕃薯嘅感覺。因為唔嗜甜嘅關係，個人認為紫薯味比較好食，有7.5/10。整體黎講，呢間車輪餅就不過不失，未算好好好食，但都唔錯同十幾蚊咁多餡，性價比的確幾高嘅！重點係:唔洗過海食咁遠呀嘛