The Butchers Club (蘭杜街) (Closed)

路過見呢間餐廳以連續多年米芝蓮獲選作招徠，見圖片幾靚又唔洗等，決定入去一試。坐低睇完menu後發現以自助形式落單，要離座去收銀處落單俾錢，好彩今次有同事作伴，自己黎食都幾麻煩。 今日唔想食太多肉，見有酥炸盲曹魚配自家製他他醬及辣椰菜絲沙律，就揀左亞哈船長漢堡 ($130)。炸盲曹魚炸得香脆，比想像中大塊。　魚肉一梳梳幾彈牙，用料幾新鮮，但味道冇咩特別，包亦唔大，食完唔太飽。 伴碟既薯條反而幾好味，熱辣辣又夠咸好惹味。　整體味道不過不失。