Video
Read full review
2022-05-23
1011 views
是日光顧晚市，點了七道菜，二人合共$28xx 先講好食既，乳豬皮薄而香脆，混合已批去肥膏的乳豬肉食，好香口，亦冇油膩感。 皇湯雞絲羹一食落口，啖啖雞既精華，配以冬菇，味道濃郁鮮味，唔會死鹹，各種材料層次分明，好有水準。 黑松露龍蝦春卷味道亦好平衡，黑松露味突出，但唔會蓋過龍蝦味。炸釀鮮蟹蓋味道不錯，以花蟹肉、洋蔥及鮮奶製成，味道順口滑溜，洋蔥味不會搶過蟹香，蟹肉亦充足。 而甜品香芒楊枝甘露以芒果布甸作底層，上層才是楊枝甘露，布甸味道出色。 以下菜式普通，唔似三星餐廳作品。叉燒軟硬肥瘦適中，但欠缺燒烤香氣，亦無豬肉香，就是普通的街坊叉燒，如以二星的天龍軒相比，天龍軒實力高很多，天龍軒叉燒有炭香味，豬亦有橡果味。 而佢地既招牌菜龍帶玉梨香，唔知係咪期望過高，食落真係極之失望，廚師以薄粉包裹帶子、鮮蝦和梨，再在上面配以芫荽同金華火腿，其實炸的火侯拿捏得好好，皮薄香脆，但除左梨的味道，係食唔到其他材料味道，帶子同蝦完全冇味，火腿都冇味，甚至平時會搶味既芫荽，我都食唔到有味。 酥炸日本蠔配柚子
先講好食既，乳豬皮薄而香脆，混合已批去肥膏的乳豬肉食，好香口，亦冇油膩感。
皇湯雞絲羹一食落口，啖啖雞既精華，配以冬菇，味道濃郁鮮味，唔會死鹹，各種材料層次分明，好有水準。
黑松露龍蝦春卷味道亦好平衡，黑松露味突出，但唔會蓋過龍蝦味。炸釀鮮蟹蓋味道不錯，以花蟹肉、洋蔥及鮮奶製成，味道順口滑溜，洋蔥味不會搶過蟹香，蟹肉亦充足。
而甜品香芒楊枝甘露以芒果布甸作底層，上層才是楊枝甘露，布甸味道出色。
以下菜式普通，唔似三星餐廳作品。叉燒軟硬肥瘦適中，但欠缺燒烤香氣，亦無豬肉香，就是普通的街坊叉燒，如以二星的天龍軒相比，天龍軒實力高很多，天龍軒叉燒有炭香味，豬亦有橡果味。
而佢地既招牌菜龍帶玉梨香，唔知係咪期望過高，食落真係極之失望，廚師以薄粉包裹帶子、鮮蝦和梨，再在上面配以芫荽同金華火腿，其實炸的火侯拿捏得好好，皮薄香脆，但除左梨的味道，係食唔到其他材料味道，帶子同蝦完全冇味，火腿都冇味，甚至平時會搶味既芫荽，我都食唔到有味。
酥炸日本蠔配柚子汁有同一個問題，炸功一流，但冇蠔味。
梅子煎釀花枝蟹鉗就好似食墨魚滑咁，食唔到蟹肉，毫無特別，極之失望。
總括黎講，龍景軒達唔到三星水準，部份菜式價錢與質素不乎，特別係海鮮菜式，似乎欠缺新鮮度。我想食精緻中菜，會揀天龍軒。
廚師精選拼盤（叉燒、乳豬、炸蠔）
45 views
0 likes
0 comments
黑松露龍蝦春卷
52 views
0 likes
0 comments
龍帶玉梨香
43 views
0 likes
0 comments
皇湯雞絲羹
72 views
0 likes
0 comments
炸釀鮮蟹蓋
35 views
0 likes
0 comments
梅子煎釀花枝蟹鉗
23 views
0 likes
0 comments
Post
