泰風 (Closed)

因為呢間鋪頭新開，所以都想去試下，一行四人到這間貼滿什麼新開張優惠招紙的鋪頭試下。是泰國菜館，我們點的菜包括有:海南雞半隻-------我個人覺得新加坡餐廳既海南雞飯會重d雞油味同雞會選些薄些的雞作烹調，味道應該會比呢D好。我唔可以話呢個雞唔好食，但唔係正宗海南雞。椰青焗飯-------本身椰青味唔濃，但佢0係面加了大匙椰漿，使飯變得甜甜的，很特別，之前0係泰國或在香港泰國菜館都未試過呢種焗飯。有少少提子乾粒，令飯有椰漿味之餘甜甜酸酸，都唔差既。不過略嫌其實個飯係冇乜見到料LAW，只有兩隻青口插0係面，都有少少呃錢既感覺架，不過又唔係難食，都幾得意，椰青唔青架喇，不過都仲可以食到D肉，都算OK啦！沙嗲串燒(雞,牛,豬)-------呢個我覺得都幾好味，唔係話滑，但每樣串燒都唔鞋，都大大串既，一份有六條，任你點砌夠六條，我地每樣兩串，都好味。蝦醬炒通菜--------呢味最冇特別，同0係街邊大排檔差唔多味。唔惹味。辣肉生菜包--------好辣好辣，生菜好細塊好少，豬肉比較肥！好多粒粒都係肥肉，唔會再點。菠蘿海鮮炒飯--------呢個反而好好味，好香菠蘿味，海鮮都係0個D啦，魷魚最多。