Video
Read full review
2010-05-19
125 views
星期日未到8點就醒咗，真係慘呀，難得一日可以瞓晏，但生理時鐘卻根據平時的時間把我弄醒。喺屋企hea 吓hea吓，阿媽提議去一點心食點心。十一點幾去到，好多人等緊位。攞咗飛之後周圍行，點知行完番黎，一個number都未郁過。原打算食第二樣野，但點知隔一陣再去睇，下一張竟然就到，可能太多人費事等已經走咗。地方不大，也不夠光猛。叫咗7、八個點心。蝦餃：見搭台茶客嘅蝦餃好似好得，所以又叫番籠試試。點知個賣相同人地嗰籠差好遠。我地嗰四粒超細，好似鵪鶉蛋咁。好在個皮真係夠薄。不過餡料只有蝦，沒有加入荀粒。馬蹄糕：掂！好彈牙，有馬蹄粒，仲唔會太甜。姜葱牛百叶：味道好淡，唔惹味。鳳爪：ok，夠淋身，不過味道偏甜，唔辣山斑魚響螺片煲清補涼：讚！真係好夠火候，無味精，原汁原味，足料。鮮蝦腐皮卷：炸得香脆，個皮唔會韌，好多蝦，味道幾好煎蘿蔔糕：average quality，有蘿蔔絲，不過唔算多蔥花蝦米腸：呢個唔掂！第一，個皮好淋，一夾即斷，質地好削；第二，d蝦米劣質，好多殼；第3，d豉油超不濟，有色但無味，唔咸又唔甜。鱆魚肉餅飯：飽膜之選，但完全無鱆魚粒，or even 鱆魚味！芒果奶皇卷：sun 限定
喺屋企hea 吓hea吓，阿媽提議去一點心食點心。
十一點幾去到，好多人等緊位。
攞咗飛之後周圍行，點知行完番黎，一個number都未郁過。
原打算食第二樣野，但點知隔一陣再去睇，下一張竟然就到，可能太多人費事等已經走咗。
地方不大，也不夠光猛。
叫咗7、八個點心。
蝦餃：見搭台茶客嘅蝦餃好似好得，所以又叫番籠試試。點知個賣相同人地嗰籠差好遠。我地嗰四粒超細，好似鵪鶉蛋咁。好在個皮真係夠薄。不過餡料只有蝦，沒有加入荀粒。
馬蹄糕：掂！好彈牙，有馬蹄粒，仲唔會太甜。
姜葱牛百叶：味道好淡，唔惹味。
鳳爪：ok，夠淋身，不過味道偏甜，唔辣
山斑魚響螺片煲清補涼：讚！真係好夠火候，無味精，原汁原味，足料。
鮮蝦腐皮卷：炸得香脆，個皮唔會韌，好多蝦，味道幾好
煎蘿蔔糕：average quality，有蘿蔔絲，不過唔算多
蔥花蝦米腸：呢個唔掂！第一，個皮好淋，一夾即斷，質地好削；第二，d蝦米劣質，好多殼；第3，d豉油超不濟，有色但無味，唔咸又唔甜。
鱆魚肉餅飯：飽膜之選，但完全無鱆魚粒，or even 鱆魚味！
芒果奶皇卷：sun 限定，幾好味，夠凍，芒果新鮮唔太酸，不過奶皇餡唔夠多，而且略嫌個皮厚咗少少。
點心一般水準，要排隊就咪搞啦！
Post
