Video
Read full review
2019-04-08
788 views
約埋一大班朋友食飯食德國菜就最啱，去過另一B字頭德國餐廳已經好幾次，於是就改去尖東嘅Brotzeit。兩三年前都有去過同一間分店食飯，覺得幾好食，又幾德式 (之前嗰批朋友係唔多飲得啤酒，所以好鐘意佢地有 Colaweizen同Alsterwasser 哩啲啤酒溝汽水嘅飲品，哩啲就係另一間B字頭德國餐廳無嘅...)，所以約哩批朋友時都係我推薦Brotzeit嘅。因為成十個人，所以預先訂位，星期六都無限時用餐，都幾好喎，唔會催人走，可以同班朋友傾耐啲。咁又有朋友準時到，都無須等位就有得坐。(其實樓上係未開，之後再睇都唔見上邊滿座，可能涼涼地，啲人出哂去出邊坐。)啲朋友陸續到，先叫飲品飲住等，都係啲大眾德國生啤PAULANER嗰啲，無咩特別所以唔影相了。一大班人，叫單點又好似唔係好夠，最後係叫左 (1) Snack Platter(2) mixed Board 同 (3)Brotzeit Platter 。Snack Platter: 主要係啲炸嘅送酒小食嘢 (炸魚柳、炸洋葱圈、炸魷魚圈同炸蝦)，仲有雞翼同肉丸；炸嘢普通無咩特別，個肉丸夾埋啲汁幾好食，不過就唔係好夠熱。Mixed Boar
因為成十個人，所以預先訂位，星期六都無限時用餐，都幾好喎，唔會催人走，可以同班朋友傾耐啲。咁又有朋友準時到，都無須等位就有得坐。(其實樓上係未開，之後再睇都唔見上邊滿座，可能涼涼地，啲人出哂去出邊坐。)
啲朋友陸續到，先叫飲品飲住等，都係啲大眾德國生啤PAULANER嗰啲，無咩特別所以唔影相了。
一大班人，叫單點又好似唔係好夠，最後係叫左 (1) Snack Platter(2) mixed Board 同 (3)Brotzeit Platter 。
Snack Platter: 主要係啲炸嘅送酒小食嘢 (炸魚柳、炸洋葱圈、炸魷魚圈同炸蝦)，仲有雞翼同肉丸；炸嘢普通無咩特別，個肉丸夾埋啲汁幾好食，不過就唔係好夠熱。
Mixed Board: 係我叫嘅，貪佢有芝士 (其他人唔食芝士，無理由叫個純芝士拼盤)，芝士普遍係好食嘅，尤其係隻Emmental，火腿亦不錯，仲有舊好大嘅酸瓜實在係太好了；跟左啲包，冇咩特別。
Brotzeit Platter: 有齊德國菜最"stereotype"嘅腸仔同豬手，仲有幾件豬肋骨，腸仔係唔錯嘅，有幾種 (剩係認得隻紐倫堡腸)，有款係辣嘅夠惹味，其他啲Bratwurst水準都唔錯；反而係隻豬手....係無出事嘅，但係又唔係真係超好食，皮唔太脆肉唔算乾，味道唔突出，只係算合格。另外仲跟左兩個side，一個係正常薯角，一個係唔係好夠味嘅butter Spaetzle ，即係可能係飲左酒啦，食起上來啲味有啲淡，仲要乾。可能叫大餐牌嗰啲 芝士或者小牛Spaetzle會好食啲。
就咁食三個拼盤其實唔夠飽 (利申係啲朋友唔知點解唔夠都唔出聲叫，餐廳分量我覺得正常嘅) ，就咁飲嘢其實都唔錯，但係比我印象中(兩三年前嘅味道) 無咁好食，可能係情意結令到期望高左。總括而言其實係一般嘅，無出事，又無驚喜。至於服務，要做嘅都全部做妥嘅，不過又係唔係突出啦，又無其他食評講得咁極端，算係合格。
題外話唔關Brotzeit事) 德國菜可能比人太肉嘅感覺，唔會成日食，但遷就下加好多 "西餐"落去，咁係咪好事呢。
Post
