Video
Read full review
2015-08-24
2193 views
我想試好耐喇！上網睇下食評，劣評比較多，真係有啲卻步呢！膽粗粗，今日一於去試下，十一點九入到去，計埋我都係得兩台客，真係好，唔使等！人地話呢度啲侍應好無禮貌。又唔係，只係cool啲啫。有位後生啲嘅四眼哥哥非常有禮貌，做野好有熱誠，見你食完就過黎收野，仲問你要唔要多份㖭！牛扒好難食。我又唔覺。味道呢樣野好主觀。當然$88，你唔好期望太高。對於我黎講，都ok，又唔會話乾到死，又唔會話韌到食唔到。我自己都食左三塊，極限喇，真係好飽。牛扒放題包一罐汽水同甜品。甜品冇影，係砌得好細粒嘅涼粉。總括黎講都ok嘅，$88任食仲係唔使加一。睇到有啲食家話要45分鐘先等到一塊牛扒，我就冇呢個問題。基本上十分鐘內已經送到黎，速度幾快。可能我食嘅時候唔係繁忙時間啦。如果唔想牛扒太熟，建議可以叫生啲，黎到會啱啱好。雖然我叫5成，但黎到嘅我相信係7成。今次挑機算滿足啦！
膽粗粗，今日一於去試下，十一點九入到去，計埋我都係得兩台客，真係好，唔使等！
人地話呢度啲侍應好無禮貌。
又唔係，只係cool啲啫。有位後生啲嘅四眼哥哥非常有禮貌，做野好有熱誠，見你食完就過黎收野，仲問你要唔要多份㖭！
牛扒好難食。
我又唔覺。味道呢樣野好主觀。當然$88，你唔好期望太高。對於我黎講，都ok，又唔會話乾到死，又唔會話韌到食唔到。
我自己都食左三塊，極限喇，真係好飽。
牛扒放題包一罐汽水同甜品。甜品冇影，係砌得好細粒嘅涼粉。
總括黎講都ok嘅，$88任食仲係唔使加一。睇到有啲食家話要45分鐘先等到一塊牛扒，我就冇呢個問題。基本上十分鐘內已經送到黎，速度幾快。可能我食嘅時候唔係繁忙時間啦。
如果唔想牛扒太熟，建議可以叫生啲，黎到會啱啱好。雖然我叫5成，但黎到嘅我相信係7成。
今次挑機算滿足啦！
Post
