Video
Read full review
2014-05-03
9891 views
一直都想喺呢度食下午茶，但當知道無得book位，只可walk-in，就已經怕怕~所以當從朋友口中得知 The Lobby 推廣緊 Birthday Rewards，又適逢小妹四月份生日，所以即刻提議屋企人去慶祝! Birthday Rewards 由宜家開始至八月，生日之星於生日月份與三位朋友惠顧三道菜晚餐，生日之星可免費享用並獲黑森林蛋糕一個! 雖然今次唔係食下午茶，不過都試下啦~環境方面當然係充滿高貴氣派，但坐喺樂隊樓下，其實都好嘈~甫坐低已經有侍應好快送上餐牌，因為有五個人，餐牌有既野都比我地叫哂咁滯~除左牛肝箘意粉~落單戈陣侍應想知道我地邊個係生日戈位，問左坐喺我側邊既媽媽，但太大聲，我都聽到~點菜後侍應送上暖暖既麵包籃，不過略嫌麵包過硬唔鬆軟，而且牛油應該係無鹽既，所以無咩味~頭盤煙鴨胸沙律 - 平時食既煙鴨胸都好鞋，但估唔到今次既煙鴨胸可以咁嫩滑，露荀亦好爽口~香炸蝦沙律 - 比較普通，不過點上辣沙律汁後，尚算可口~法式洋蔥湯 - 本身唔鍾意食洋蔥，平時亦唔會飲洋蔥湯，但我可以接受到呢個湯既味道，因為已經算無咩洋蔥味~主菜燒牛柳 - 平時唔多食牛肉，不過黎到呢度點都要試試
Birthday Rewards 由宜家開始至八月，生日之星於生日月份與三位朋友惠顧三道菜晚餐，生日之星可免費享用並獲黑森林蛋糕一個! 雖然今次唔係食下午茶，不過都試下啦~
環境方面當然係充滿高貴氣派，但坐喺樂隊樓下，其實都好嘈~甫坐低已經有侍應好快送上餐牌，因為有五個人，餐牌有既野都比我地叫哂咁滯~除左牛肝箘意粉~落單戈陣侍應想知道我地邊個係生日戈位，問左坐喺我側邊既媽媽，但太大聲，我都聽到~
點菜後侍應送上暖暖既麵包籃，不過略嫌麵包過硬唔鬆軟，而且牛油應該係無鹽既，所以無咩味~
頭盤煙鴨胸沙律 - 平時食既煙鴨胸都好鞋，但估唔到今次既煙鴨胸可以咁嫩滑，露荀亦好爽口~
香炸蝦沙律 - 比較普通，不過點上辣沙律汁後，尚算可口~
法式洋蔥湯 - 本身唔鍾意食洋蔥，平時亦唔會飲洋蔥湯，但我可以接受到呢個湯既味道，因為已經算無咩洋蔥味~
主菜燒牛柳 - 平時唔多食牛肉，不過黎到呢度點都要試試。但牛柳過熟，因為要左七成熟，有d韌! 應該要五、六成就剛剛好，而且有d燶味，食落苦苦的~熱辣辣既焗薯好大個，食完都飽lu~
煎三文魚柳 - 三文魚柳裡面嫩滑，配上有薏米既白汁，雖然有d膩，但算不錯~
甜品傳統意式軟芝士餅 - 正宗既tiramisu，充滿香濃既酒味，好軟滑，咖啡雪糕味道亦係香濃幼滑，確是一種享受!
香芒、檸檬啫喱、乳酪雪葩 - 先係乳酪雪葩，用上原味乳酪，質地輕身幼滑，好似食緊cream一樣，再來芒果加檸檬啫喱，酸甜交替，整體味道清新!
朱古力撻 - 應該係用上黑朱古力做既，朱古力既苦澀味道加上呍喱拿雪糕，有種特別既味道而且會無咁苦，不過食哂成個既話會有d膩~
食完甜品後，便向侍應示意可送上蛋糕，雖然只係一個普通黑森林蛋糕，不過比平時既黑森林蛋糕更有誠意，蛋糕充滿酒香，朱古力味十分濃厚，值得一試。總括而言，今次晚餐對比其他高級餐廳唔算有Wow既感覺，比較平實，味道亦唔算突出。未食呢餐之前本來約左朋友再黎食多次 (因有朋友都係四月生日)，但我覺得一次已經足夠，所以就算預訂左都取消lu! 如果唔洗排隊既話就再黎試下午茶啦~
Post
