龍門冰室 (Closed)

放工唔知食咩好，路經龍門冰室，見個價錢唔係太貴，咪入去試下, 我同男朋友一人嗌左一個餐。。我男朋友嗌左蔥油雞扒撈丁，加$5要埋牛奶炒蛋。。佢俾左少少我試，我覺得d汁同蔥油都唔太夠並且個麵比較乾，至於果雞扒冇咩特別仲要咸左少少。。個炒蛋油左少少不過都ok滑。。我就嗌左芝士汁雞脾撈丁，個芝士汁冇咩芝士味，雞脾炸得ok, 果皮唔太厚不過就細隻左ｄ...整體來說，呢個價錢都預左係咁嘅質數。。不過唔係好鐘意d姐姐又掃地又拖地，搞到個地好跣好滑。。我男朋友起身走果時，跣左一下，好彩冇事，如果跌傷，一定追究。。