蜀都川菜

Open Now

Now Closed

同屋企人想近近地出街食飯，見依間食川菜，又有水煮魚食，就黎試吓。佢平民價，唔係好貴，晚市套餐40幾蚊有野飲，有菜，又有飯都幾抵食，但我地想食水煮魚所以都係叫散。最後叫左個微辣水煮魚，小辣酸菜雞，擔擔面，炒油麥菜同兩個白飯。講個水煮魚先，水煮魚係成餐飯最唔好食嘅餸。如果係未食過正宗川菜，你可能會覺得佢ok,但我地因為成日番大陸食川茶，就覺得依間嘅水煮魚好港式，唔係幾正宗。魚片好小，得幾塊，而且好硬，又唔滑。配料好小，等幾條芽菜，同係大陸食嘅正宗水煮魚相差好遠。水煮魚唔推介酸菜雞就有驚喜啦！ 酸菜多，配料多，有超多粉絲。辣味岩岩好，小朋友都食得。雞就唔錯啦，唔算滑，但都有幾多件。98蚊叫抵食。擔擔面一般啦，同上海嘅擔擔面有d唔同，唔太重花生味，比較著重辣味，而面唔係上海粗面，係幼面。個菜就細碟左小小，冇話好唔好食，清炒都唔會難食去邊。8蚊個飯就好大碗啦。總捨黎講,都可以嘅。起碼近近地，唔太貴。