泰興隆泰國菜館 (Closed)

今日同一班朋友入黎坪洲行下，行完上山睇下風景之後就見有d攰想搵個地方坐下飲杯野休息下。點知見到好多間冰室都閂門，唔知係咪坪洲嘅舖頭都比較早閂門呢？行行下見到呢間泰國菜館仲未閂門，就決定入去坐下。我d女就叫左個椰青share飲35蚊一個，同大多數嘅泰國菜館差唔多價錢，都夠冰凍，係剛剛行完山時飲係一流，十分解渴。我就叫左個洛神花冰：酸酸甜甜咁，有d似山楂嘅問題，但我諗佢應該係落得太多嘅糖水，所以就算點攪杯野飲都係好甜。我老公叫左杯椰汁珍多冰：入面除左有平時見到嘅一條條綠色啫哩之外仲有一粒粒嘅野，面有一層好似啫哩咁嘅野包住一粒馬啼係中間，好好味。串燒：好香嘅沙嗲，3種都好味但略嫌唔夠熱辣辣。炸蝦餅：熱辣辣上檯，入面嘅蝦都好足料。但味道就比較淡，而佢配嘅甜酸醬就好稀...好似水咁。