Video
Read full review
2017-07-07
352 views
一班朋友聚餐，咁難無見，總要食好d有鮑魚有龍蝦，聽到都想去食，結果我唔識講，形容唔到要親自試過先知經過多次既經驗，提早訂位是常識吧！未入門口，已經有個高大經理接待幫手開埋門這樣少有店鋪會做到。行入少少已經有人上前問訂座資料，要等😱等左10分鐘左右就有位，枱與枱之間唔太迫，坐落幾舒服🤤坐低無耐，即刻有成3個侍應，你一口我一口，一個講野好快好快既裇衫呀姐係咁係一輪咀講解張火鍋單，之後一野擺低果調味架走左去，講咁快點聽，好似飲左酒，有酒味？好彩有個靚仔哥哥幫幫手，慢慢講解多次先明點劃張單...擾亂左一輪，一盤有鮑魚有龍蝦大大盤海鮮仲要只龍蝦鮑魚係郁！郁緊！無講錯！咁既價錢，食郁既海鮮，講你都唔信，黎過你就知。望住盤海鮮，真係好想快d放落肚😍😍😍靚仔哥哥一開始擺哂d貝類同蝦落個鍋度蒸，等左5分鐘左右就食得，未夠5分鐘已經香味四溢，一打開蓋，只只開哂口🤤正，咩都唔識講--食！食完蝦有人走埋黎落粥同龍蝦同鮑魚一齊又蒸約7分鐘。龍蝦食落肉質好散！過哂火啦反而只鮑魚淋淋地幾好味，聽侍應講，慢煮只鮑魚只會淋不會硬，連埋啖粥食，一個字"好味" 海鮮全程會有人幫手整，跟住火鍋就自己黎。食到咁上下，剛放低筷子
有鮑魚有龍蝦，聽到都想去食，結果我唔識講，形容唔到要親自試過先知
經過多次既經驗，提早訂位是常識吧！
未入門口，已經有個高大經理接待幫手開埋門這樣少有店鋪會做到。
行入少少已經有人上前問訂座資料，要等😱等左10分鐘左右就有位，枱與枱之間唔太迫，坐落幾舒服🤤
坐低無耐，即刻有成3個侍應，你一口我一口，一個講野好快好快既裇衫呀姐係咁係一輪咀講解張火鍋單，之後一野擺低果調味架走左去，講咁快點聽，好似飲左酒，有酒味？好彩有個靚仔哥哥幫幫手，慢慢講解多次先明點劃張單...
擾亂左一輪，一盤有鮑魚有龍蝦大大盤海鮮仲要只龍蝦鮑魚係郁！郁緊！無講錯！咁既價錢，食郁既海鮮，講你都唔信，黎過你就知。望住盤海鮮，真係好想快d放落肚😍😍😍
靚仔哥哥一開始擺哂d貝類同蝦落個鍋度蒸，等左5分鐘左右就食得，未夠5分鐘已經香味四溢，一打開蓋，只只開哂口🤤正，咩都唔識講--食！
食完蝦有人走埋黎落粥同龍蝦同鮑魚一齊又蒸約7分鐘。龍蝦食落肉質好散！過哂火啦反而只鮑魚淋淋地幾好味，聽侍應講，慢煮只鮑魚只會淋不會硬，連埋啖粥食，一個字"好味"
海鮮全程會有人幫手整，跟住火鍋就自己黎。
食到咁上下，剛放低筷子就上左甜品，好似有人望實你食咁
我地4個人埋單1000有找價錢合理！
朋友都好滿意食物環境，唯一不太滿意係聽到d侍應大大聲討論客人不是。
總括黎講值得食，
有機會都會再去。
Post