金源餐廳

Open Now

Now Closed

因為依間茶餐廳喺正斜路嘅側邊,中午又熱又曬又攰,好幾次打消咗我去食嘢嘅諗法. 今日終於去到,同想像中一樣,係舊式茶餐廳嘅格局.裡面都好多人,有兩層,但係第二層已經滿咗.揀左張圓枱坐,當時只有兩個人,喺等嘢食期間又坐咗兩個人埋嚟,心知不妙.一個套餐包餐飲,湯,飯,餸係另一隻碟,總共2碟2碗1杯,根本唔夠位擺.好彩其中一個叫左蒸肉餅,要等15分鐘,到時我已經飲完湯,總算釋放左少少空間出來.叫咗個梅菜鯇魚飯,本來只叫左中湯,侍應好老實咁同我講包埋餐飲,多謝提醒.中湯完全無放湯渣係碗裡面,估計係紅蘿蔔瘦肉湯,有幾粒南北杏.可能因為無放湯渣,令我覺得個湯雖然夠味但都係師傅既功勞.有料就要show俾人睇吖嘛.梅菜蒸鯇魚終於到喇,梅菜實在太少有點失望.鯇魚係用魚尾嘅部分,最近尾既位都滑,但大玫上都梅梅地.飯比條魚遲6-7分鐘先到,而且有啲削,可能係未煮夠梗硬攞出來.最後飲埋杯奶多茶少既奶茶,食飽飽,趕返公司.