越南屋

Open Now

Now Closed

天氣涼咗，多咗動力行去大埔墟搵嘢食，原本想去街市熟食中心食台灣嘢，但餐廳疑似結咗業嘅情況下，唯有行遠少少去食越南湯河啦。越南屋位於南盛街，之前食上海嘢時已經望到，由於已經兩點幾，所以人流唔多。餐牌有越南特式湯河，亦可以自選一餸湯河/濛或撈河/濛，都算多選擇，加12蚊可配特飲，可惜唔可以配滴漏咖啡。今日叫咗香茅豬扒湯河，湯底顏色較深，飲落味道都幾濃，有輕微芫茜味，河粉輕微煮得過耐，一夾起已經有少少碎，豬扒煎得夠香口，食落依然鮮嫩有肉汁，算係唔錯。