星洲名廚 (Closed)

附近野食都真係好多，但係聽朋友講依度嘅豬扒唔錯咁就一於試下啦。餐廳細細，略嫌有一啲逼夾。 今次叫咗厚切咖喱豬扒同埋肉骨茶。先講厚切豬扒，份量都十分合理。咖哩有啲辣，但係無咩咖哩味。豬扒都好淋，好容易食，但略嫌有啲乾身。而我個人反而幾鍾意伴碟嘅青瓜！😱肉骨茶好足料， 味道都相當唔錯，下次如果再嚟都會再食。本身好想飲凍奶茶，但係嗰度冇，只有熱嘅拉茶。叫咗一杯試下，唔覺得有咩特別，相比起要加12蚊嘅價錢，唔值得一試。其實嘢食都唔錯，但係有一樣嘢，令我唔係好想再嚟。就係佢個地下...真係好跣，我有兩三次都差啲跣低。