味之時計台 (Closed)

呢間味之計時台來自北海道，既然未去過北海道，咁喺香港試住依家拉麵舖先啦，鋪頭座落喺領展新場T.O.P. 嘅food court，依一層都有幾多嘅食物選擇。間鋪頭嘅面積其實唔細，希望如果爆場嘅話，啲師傅都可以應付得嚟。豚骨醬油叉燒拉麵似乎係比較穩陣嘅選擇，咁就試一試佢啦。由落單開始計到有拉麵食，等咗差唔多十五分鐘。湯底鹹度適中，叉燒都可以話係層次分明嘅，不過有少少羶味，呢度扣咗啲分，半熟蛋都ok嘅。