薈軒 (Closed)

見樓下幾位網友都話服務態度唔係咁好，但我今次感覺ok呀，特別係門口既女部長，好殷勤，可能隔離枱有個被稱之為「老細」既人物（唔知係呢間酒樓既老細定隔離公司老細）特別要講我係跨區飲茶，山長水遠，落咗車都要行十幾分鐘，係特別走去飲茶！咁有誠意，係因為之前飲過（約兩三年前），當時既燒賣同蝦餃係有5粒，中間有粒細細粒，賣相吸引，亦感覺特別。但今次去，係無咗，只係好普通既4粒，同其他酒樓無分別！整體而言，中等價錢有中等水準，不過不失，但再無咗要我跨區飲茶既吸引力！