泰聚 (Closed)

每次天水圍落車都會經過泰聚，今次就等我聚聚~ 由於餐廳是村屋改建，顯得分外有格調，而且地方比較大，坐得舒服註: 西鐵車站落車後，需行過一條小路，方可到達，附近有空地，方便駕駛人士兩伙子，一共叫左五樣野，飽到摸住肚腩走! 馬啦盞炒通菜大份算抵食，但通菜較淋身，個人覺得通菜要爽口先正，正常發揮咖哩軟殼蟹咖哩味太輕身，如果咖哩煮濃身D，會正好多，軟殼蟹太淋，炸粉太多，做唔到脆口感覺蒜蓉包炭香味好重，鬆脆，好香，加咖哩汁一齊食，不得了~ 炭燒羊架炭香味好重，羊架都比較大件，個醬不酸不辣，開胃又清爽金邊粉外貌取勝(笑)，老蛋唔夠滑，芽菜唔係泰國肥身芽菜，芽菜唔夠多，金邊粉只得酸味，但勝在大份曹操吃雞肋，食之無味，棄之可惜整體而言，泰國菜好小可會難食，總算不過不失，兩個人落樓500幾，食物選擇較多，份量足夠，個人推薦炭燒食物~